روايه كامله بقلم الكاتبه المجهوله

ماقدر اعملها ياقلبي
هند معلش يا حياتي دا قدامهم بس لاكن والله ما هنسالك الجميل دا ابدا كفايه انك خليتني اشوف الحقيقه فين وبعدين انت ياحبيب قلب هند دكتور جامعي ومتقلش اهميه عن القاضي أو المحقق وان شاءالله هتبان الحقيقه ع ادينا وانا هبلغك كل التفاصيل ...
عامر انتي عايزاني اعمل اي بالظبط يا سيادة الظابط هند .
هند انا عايزاك تفهم الكل انك طردتني بسبب حبيبه واللي عملته فأخوك وعايزه ماما وساره يصدقوا وياخدوني ف صفهم عشان اقرب منهم واعرف مين السبب ...!!!
بااااااك 
عمر يعني انتي وعامر عملتوا خطه كمان ...!!!
يتبع
الفصل السادس عشر 
عمر يعني انتي وعامر عملتوا خطه كمان
واي كمان قوليلي مانا طول عمري بتخدع من اقرب الناس ليا فأكيد مجتش عليكمم ...
هند لو سمحت انا مستحملاك عشان انت اخو زوجي وعشان حبيبه وعشان انت مش شايف الحقيقه لاكن اقسم بالله لو زودت حرف تاني ما هسمحلك وعايز تعرف الحقيقة كلم اخوك
ثم ادارت وجهها له ثم قالت 
كنت اتمني اعكس ظني بيك بس انت مغرور فعلا ... حتي ف فهمك وتدبيرك يااا استاذ عمر 
عمر بعد خروج هند بثواني معدوده
الووو عامر انا عايز اقابلك دلوقتي حالا
عامر انا كنت لسه هتصل بيك ياعمر بس مينفعش الكلام ف البيت لازم تيجيلي الكافيه بسرعه
عمر تمام هاجيلك دلوقتي
عامر لا لا دلوقتي اي بس خليها بالليل انا هروح اخد شور واغير واظبط نفسي وهكلمك
عمر تمام ياعامر وانا هستناك بالليل
ف بيت عم فوزي
دخلت هند البيت وإذا بسوسن ع الباب
انتي ايه اللي جابك هنا مش قولنا خلاص عامر هيطلقك
ولا انتي مبتحسيش
مهو لو كنتي بتحسي فعلا مكنتيش طلعتي من بيت فيه حبيبه دي
بس لا دا انتي متربيه معاها يعني اكيد امكر منها بمراحلل
جاء عامر وقاطع حديثهم هند حبيبتي حمدلله ع السلامه وحشتيني اوي دانا مش عارف اعمل حاجه وانتي بعيد عني
حتي عمر دلوقتي كلمني ومقدرتش اروحله غير لما اشوفك اكل لقمه من ايدك ياقلبي
سوسن الله الله اي دا البت دي ساحرالك ولا اي هو انت مش طردتها وقولنا خلاص هتغور
عامر ماما لو سمحتي اي هتغور دي هند احسن واجمل زوجه ف الدنيا وكبرت ف نظري اوي وبكره تكبر ف نظرك ونظر الكل لما تعرفي اللي عملته واللي لسه هتعمله بس بالله عليكي ياست الكل يا احلي ماما ماتعامليها وحش دي طيبه اوي
سوسن ياحبيبي مقصدش انا قولت كدا بس زعل عليك مش اكتر ما انت شايف اللي حاصل لابوك بسبب عمر وحبيبه
عامر مټخافيش ياماما ابويا بكرا يفرح وعمر وحبيبه وكلنا أن شاء الله
بس سيبيني دلوقتي ادخل اخد شور لاني مرهق جدا وسابهم ودخل
هند بأدب واحترام متزعليش مني يا ماما مع اني عمري ما تمنيت زعلك وربنا شاهد عليا بس انتي حاولي تتفهميني انا بعد اللي شوفته من الدنيا واللي حصل لماما مبقتش عايزه حد يزعل مني ابدا لان الدنيا متستاهلش
وانا اسفه ع اي حاجه صدرت مني بدون علمي
سوسن لا يابنتي انا اللي استحق اني اتأسفلك انا اللي بعاملك وحش ودايما مش حاباكي ومش عارفه ليه كنت بعمل كدا ... يمكن عشان عامر ابني الوحيد ومكنتش عايزه حد يشاركني فيه بس انا دلوقتي معايا ولد وبنوته زي القمر سامحيني يابنتي
وخدتها بالحضن كدا وبوستين تلاته من بتوع زمان اللي بيخلعوا الخد ...
وإذا بصوت عامر بينده ع هند
انا جعان اوي بقولك ماكلتش كل دا رغي
هند حاضر حاضر يا حبيبي عن اذنك ياماما
عامر تعالي بقي قوليلي عملتي اي مع عمر
هند حكتله أن حبيبه مظلومه بس اخوك دا متكبر اوي ومغرور دا حتي مقليش اتفضلي وكلمني ع الباب
عامر ضاحكا هههههههههه معلش اصل مفيش حد معاه والداده زعلت منه ومصدقتش اللي حصل وسابته ومشيت لما كان متعصب ... وستات زمان دول عارفين كل حاجه وقلبهم حاسس وانا حبيتها اوي الداده دي علطول بتشخط فيه وبتفهمه ولما لقيته كدا سابته ومشيت ...
هند اه طب وادي مشكله تاني عايزين نحلها
عامر طيب يا قلبي انا هغير هدومي والحق عمر
ف الكافيه
عمر. انا عايز افهم ف اي انا هتجنن فهمني ياعامر
عامر بص يا عمر انا وهند عملنا خطه ونجحت لأن هند مكانتش مصدقه حاجه وخصوصا لأنها كانت متأكده أن حبيبه بتحبك وكل يوم كانوا بيرغوا مع بعض عليك
ووليد دا هند قالتلي أنه شخص شمال ف كل حاجه شمام يعني وضايع خالص وكان عايز يجوز حبيبه وصفاء كانت عايزه تساعده لانها خالته
فلما عرفت أن انت و حبيبه خلاص هتتخطبوا زعلت اوي والحقد ملا قلبها هيا وساره وخصوصا أن ساره بتحبك وعايزه تلفت نظرك من زمان
ف من كرههم لحبيبه اشتركت المجموعه دي مع بعض علشان يدمروا اللي بينكم ... ووليد يتزوج حبيبه
وساره توصل لمرادها وتتزوجك
المهم قالت لوليد يقابلهم ف اليوم اللي هيشتوا فيه فستان الخطوبه ويمشي معاهم بحجة أنه راجل يعني وهما ثلاث بنات عادي من باب الزوق
المهم ساره دي طلعت حاجه فظيعه وحيوانه بجد
خلت وليد يشتري ايس كريم ويستخف دمه ويتأسف لحبيبه لا وكمان يقولهم نكت ف الطريق دا غير أن حبيبه اتزحلقت ع الأرض
فساره هانم عرفت تاخد احلي صورتين للذئب دا وهو ماسك أيدها وبيقومها
عمر ودموعه بين جفون عينيه يااااااااه ... بس استني
لا لا حبيبه كتبتله جواب وبخط أيدها كمان واعترفت بدا !!!
عامر حكاية الجواب دا انا معرفهاش بجد بس كل اللي قولتهولك حصل وساره موجوده ووالله ما هسيبها
عمر انا لازم اشوف ساره دي لازم اعرف كل حاجه
انا هتجنن ارحموني انا لأمته هعيش شايف نص الحقيقه بس
عامر مش وقته ياعمر المهم ابوك عايز يشوفك لأنه تعبان جدا من بعد ما كان فرحان انك هتحطب
عمر انا كمان عايز اشوفه وعايز اتكلم مع هند يلا بينا
عامر ازيك يا حج اخبارك ايه
فوزي انا يابني بقيت كويس لما عرفت أن عمر بقي كويس ع ايدك وايد
عروستك العسوله دي
عامر اي دا انت لحقت تعرف
فوزي اه هند ومامتك قاعدين معايا من بعد ما مشيتوا وفهموني كل حاجه
عمر استنا يابابا احنا لسا متأكدناش وفيه غموض تاني وانا خاېف تكون خدعه لاني طول عمري بتخدع وانتوا عارفين وبجد انا تعبت اوي ومبقتش مستحمل حاجه ولازم أتأكد من كل حاجه بنفسي
عامر كفايه بقي ياعمر وياسيدي كلها مسألة وقت وهتقابل ساره وتعرف باقي الحدوته دي
فوزي والله يا بني انا حاسس انك ظلمت البنت دي زي ما ظلمت نفسك كتير اوي قبل كدا
عمر بمقاطعة كلام بباه ... بعد ازنكم انا تعبان وعايز اقعد مع نفسي شويه
خرج عمر مسرعا بسيارته وهو يفكر ف كل شئ
وبدأت الدموع تنهال من عينيه كالطفل التائه
معقول انا لسه مغرور كدا وكمان غبي لاوبقيت ظالم لنفسي ولغيري ... حتي حبيبه مسلمتش مني
حبيبه اللي المفروض انا دواها بعد كل اللي شافته انا بقيت عليها ومحاولتش اقف جنبها
ياااااااااااه للدرجادي انا وحش كدا
بس انا لازم اتأكد لازم افهم لازم مسبش حد يلعب بيا تاني ولازم أحاسب اي حد وقع بيني وبين حد بحبه.......
ف منزل عم فوزي
الو يا هند
هند اهلا يا ساره ازيك
ساره انا محتاجاكي اوي ياهند محتاجاكي اوي
هند في اي ياساره حصل اي تاني
ساره انا تعبانه اوي بجد وعايزه اتكلم معاكي انا مش قادره اخرج من اوضتي ولا عارفه اكل ولا اشرب وحبيبه مش بتتكلم معايا ... وحاسه انها عايزه تقتلني ياريتها تقتلني واخلص ولا اڼتحر واريحكم من شړي
هند اي اللي بتقوليه دا أولا لايمكن حبيبه تفكر تأذيكي ولايمكن اسيبك تعملي حاجه ف نفسك عايزه ټموتي كافره ياساره
ساره انا حاسه اني زباله اوي وحاسه اني اقذر انسانه ع الارض مستحقش اعيش انا مش قادره ارفع عيني ف حبيبه ولا بابا ... سايبيني كدا محدش بيكلمني وحياتي تعالي ... بلاش وحياتي وغلاوة بباكي انا مش قادره امسك نفسي من العياط .
هند طيب طيب هستأذن عامر واجيلك حاضر...
جاء عامر وعمر الي المنزل ودخلوا مسرعين الي بباهم
عمر ازيك ياحج طمني عليك
فوزي انا يابني بخير طول ما انتوا بخير
والحمد لله اني شوفتكم مع بعض داخلين عليا من باب بعض
عامر لا ياعمر دا بابا بقي عال العال اهو لما شافك مبسوط ايه ياعم الحب دا كله
عامر حيث كدا بقى تعالي ياحج نخرج نقعد ف البرندا شويه بدل الكتمه دي
هند احم احم ممكن ادخل
عامر بضحكه خفيفه ههههههه طبعا طبعا ادخلي يا سياده المحققه
هند مساء الخير يا عمي مساء الخير يا استاذ عمر
عمر وعيونه ف الارض مساء الخير يا هند وانا اسف ليكي بجد ياريت تتقبلي اعتذاري
هند لا لا انسي لسه وقتك مجاش وانا مش هقبل اعتزار بس لا دا انا طمعانه ف حاجات كتير ... بس لسا ... اصبر عليا بس يا سلفي المغرور ههههههه
عامر ايه ياقلبي بقي ف حاجه ولا اي
هند ايوه يا حبيبي ساره اتصلت بيا وتعبانه نفسيا جدا ومش قادره تخرج من الاوضه وبتفكر ټنتحر ... معلش يا قلبي طلبت تتكلم معايا ممكن اروح
عمر لو سمحت لو هترح ياعامر انا عايز اروح معاها
عامر لا لا يا عمر طبعا مينفعش اهدي كدا ولما تيجي هند هنعرف هنعمل اي كويس
عامر بص يا هند حسيت من كلامك كدا ان ساره ندمت ع اعمالها دي وعمر ف حاجات عايز يفهمها
عمر ايوه اي حكاية الجواب دي وازاي حبيبه كتبته
هند اولا بطل بقي تلزيق اټهامات لحبيبه
اللي خلي غيرتك وعصبيتك دي تظهر كدا هو نفس الشخص اللي نفذ مهمة الجواب
عمر ازاي انا مش فاهم حاجه فهميني داااا
هند يعني اللي عمل الجواب هو وليد
عمر وليد دا لايمكن ابدا
انتو بتقولوا انه جاهل وخمرجي وحشاش ازاي يعرف يقلد خط حبيبه
هند بص ... ساره كتبت الجملتين اللي وصلولك ف ورقه و اخدت ورق المراجعات بتاع حبيبه اللي بخطها ايام الجامعه وادتهم للكلب دا ... وهو اداهم لواحد صاحبه مزور وعرف يكتب الجواب بخط حبيبه علشان يعرف يكمل الچريمه
عمر يابن الكاااالب والله ما هسيبه
واذا بعمر يضرب الباب بيده فيكسره من شدة غضبه
عامر اهدي ياعمر مش كدا انت عاقل
عمر مبقاش فيها عقل يا عامر
خرج عمر مسرعا مثل الثور الهائج نحو سيارته
فوزي لعامر الحق اخوك يابني لايقتل الكلب دا ويودي نفسه ف داهيه بسبب كلب...
عامر متخفش يإ بابا عن اذنك ... 
فوزي وانتي ياهند ... روحي للبني ادمه دي ... وشوفيها ومتنسيش تبصي ع حبيبه
هند حاضر يابابا ربنا يجيب العواقب سليمه
وإذا بعمر يصل لمكان عمل وليد ويرا
عمر وليد
وليد عمر بيه ازي حضرتك
وإذا بعمر يمسك بقميص وليد
دلوقتي حالا هتعرف اخباري واخبارك يا كلب يا اقزر