بقلم ولاء علي

فانهت حديثها مع الطبيب وخرجوا ليذهبوا
يتبع
الفصل السادس 
رواية صغيرتي الفاتنة الفصل السادس حصري لموقع أيام 
بقلم الكاتبة ولاء علي
6
في شقه في حي متوسط
كانت الام تحاول إيقاظ إبنتها المهمله الكسوله
الأم بضيق قومي يا بت بقى هتنامي طول النهار كدا
الفتاه بانزعاج 
اوف يا صباح يا عليم خير يا ماما

صباح إيه يا ختي دا العصر أذن انتي يا بت قليله الډم ليه كده في واحده غضبانه بتكون بارده كده دا حتى بتك مش بتسالي عنها يا جاحده
بضيق ونرفزه 
يوه إسطوانه كل يوم الا مش بتخلص انتي 
عايزاني ايه يعني اروح استسمح البيه واقوله 
تعالا صالحني وبتي أنا عارفه ان امه واخته 
واخدين بالهم منها يبقى خلاص بلا ۏجع دماغ
يا برودك يا بت دانتي بقالك
إسبوعين ما شوفتيش بتك يا جاحده مش قلقانه عليها حتى
يوه وانا اقلق ليه هي مع حد غريب دا ابوها 
يعني مش هتحتاج ليا في حاجه
أنا مش عارفه يابت انتي بتفكري إزاي بتك إلا ما كملتش أربع سنين مش هتحتاج لأمها إزاي يا مفترية! أنا مش عارفه ميلة بختي في عيالي أعمل فيها إيه 
وأنا مالي يا ماما انتي بتتكلمي مع مريم بتجمعيني معاها ليه
أهلا بالحلوه التانيه إلا سابت راجل محترم عشان شايفه نفسها حبتين سبحان الله كنتي ھتموتي وتتخطبي لزين ولما إتخطبتي إتبطرتي على النعمه إلا في إيدك
يوه يا ماما مش هنخلص من الحوار دا أنا سيباه بقالو سنه وكل يوم نفس الحوار وبعدين زين إيه دا الا طالعه فيه في السماء أمال لو شفتي 
العربيات والرجاله ولاد الاغنيه إلا راكبينها هتقولي ايه
ربنا يهديكم ويبعد عنكم شطانكم الا مسيطر عليكم عيشوا عيشه أهلكم يا ولاد سيد
يوه أنا مش عارفه انتي مش عايزانا نقب على 
وش الدنيا ليه انا بختي مال واتجوز واحد على 
قده سيبها بقى تطلع ناصحه وتشوف واحد غني وتوقعه وتطلعنا من الفقر دا
إحمدو ربنا انتو احسن من غيركم وعيشتكم 
الا مش راضيين بيها غيركم بيتمنى ربعها وبعدين ماله جوزك يا ست مريم مش دا حبيب القلب إلا فضلتي تقربي من أمه وتخشي من الحنين لحد 
ما خليته يتجوزك والراجل مكفيكي ومعيشك عيشه كل بنات المنطقه بيحسدوكي عليها
وانتي يا ست رانيا مش دا زين الا كنتي بتتحججي باي حاجه وتروحي عند اخته عشان تشوفيه 
وتقفي في الشباك تبصي عليه وهو في الورشه بتاعته ايه إلا اتغير كان حد ضربكم على أيديكم 
وانا معرفش
إديكي قولتي كنت أنا ما نكرش إني حبيت زين ويمكن لسه بحبه بس مستوايا خلاص ما ينفعشي اني اتجوز زين كلها السنادي واتخرج من هندسه وأبقى الباشمهندسه رانيا وهو يدوب أخد الثانويه وقعد بعد ما أبوه هج وسابهم تفتكري لو إتجوزنا منظري هيبقى إزاي حتى لو بحبه بس ما ينفعشي هيقلل مني ويكسفني لما حد يسألني جوزك معاه إيه أو بيشتغل إيه هقولهم ميكانيكي 
أنا بكره هتجوز راجل
غني ويلف بيا الدنيا كلها ويعليني مش ينزل مني
بقله حيله 
يا خۏفي يا بتي تقعي على جذور رقبتك وانتي 
رافعه عينك لفوق ومتشوفيش طريقك مظبوط 
انا بنصحكم وانتو مصممين ربنا يهديكم وانتي 
يا ست مريم قومي فزي غيري هدومك وتعالي نشوف ابن خالت جوزك الا بقاله كم يوم والست 
هانم ما رحتش تشوفه
أنا لا رايحه ولا جايه سيبيني وروحي انتي براحتك
قومي يا بت داحنا من غير نسب نبقى جيران 
يا قليله الډم داحنا بنا شارع بس إخلصي يا بت أحسن والله أنزل عليكي بالمنفضه وانتي عارفه 
إني أعملها
يوه حاضر حاضر دا عيشه تقصر العمر
في مكان آخر في عماره في منطقه سكنيه راقيه في شقه من ضمن شقق تلك العماره
الشاب عامله إيه مع يوسف
الفتاه إطمن يا بيبي كل تحت السيطره دانا نيفو بردوا
لا يا حلوه لازم كل حاجه تكون مظبوطه وتلخصي أنا عايز كل حاجه تبقى في إيدي واخسره كل حاجه وأولهم مراته
أهي مراته دي بالذات نفسي أكلها بسناني أنا مش عارفه الكل بيتهبل عليها على إيه 
اردفت بغل وكره
الشاب بتهكم 
سلامه النظر يا نيفو لو دي ماحدش إتهبل عليها يبقى مين
نعم نعم ليه أنشاء الله فيها إيه زياده عني دانا أحلى منها دي حتى بت معقده حتى لبسها مقرف
برفعه حاجب وتهكم 
هي إلا لبسها مقرف وانتي احلا منها بصي يا نيفو إحنا أه بنكره فيها وبنخليه يظلمها وبصراحه هو مساعدنا قوي بس مش هنكدب الكدبه ونصدقها بصراحه مش عارف الغبي دا ازاي بيقدر يجرح ويكسر المهلبيه الا متجوزها صحيح الغرور بيعمي بقى يسبها عشانك انتي تصدقي عالم عجيبه
ههههههه ما
هو دا إلا عايزينه يا نيفو بس رهف حاجه تانيه بتسحر بټخطف القلب والعقل 
صوتها لوحده بيجذب قبل شكلها رقتها وبراءتها حتى لبسها الا مش عجبك دا الراجل الا بجد لما بيختار بيختار الا زيها عمره ما يختار واحده مرخصه نفسها وبيعه جسمها لكلاب السكك الالماظ الأصلي يا حلوه مهما وقع على تراب بيبقى ليه لمعان
وبمجرد تشيل التراب من عليه بينور اكتر
بتهكم وغيظ وغيره 
الله الله ايه الكلام دا كله الا يسمعك ما يقلش 
انك پتكرها مش هي دي الا اھانتك لما فكرت 
تمسك ايديها برضو
إلا يسمعك بتتكلم كده يفكرك عندك قلب وبتحس
تؤتؤ عيب يا نفين يا حبيبتي كده أزعل بقولك ايه ما تيجي نكمل كلامنا بتاع امبارح
فضحكت بخلاعه 
فنترك هؤلاء الأشخاص لدنائتهم ومعصيتهم لله عزوجل 
في شقه حسن
حسن 
كفايه يا امي شبعت انتي بتزغطي وزه
يا حبيبي إنت ڼزفت كتير ولازم تعوض الډم دا 
خلاص يا فوفا بقي شبعت مش قادر والله
بالهنا يا حبيبي على قلبك
ندا صحيح يا حسن رهف كلمتني من ساعه وقالت إنها جايه عشان تغير علي الچرح
بجد طيب هتعرف تيجي المكان لوحدها
أكيد يا عم جايه مع سواقهم
لولو على 
عند بسكوته الروايه رهف
ايوا يا فارس هترجع امتى 
بجد انهارده خلاص هستناك
لا أنا برا وعايز تعرف انا فين ليه 
خلاص بقى انا كمان محتاجه أحكي لما توصل يا فارس نشوف أوكي لا إله إلا الله
حضرتك وقفت ليه! 
أردفت بتسأل لسواق التاكسي
الطريق مقفول يا بنتي شكلها حاډثه
لا إله إلا الله طب هو الطريق لسه كتير على العنوان
لسه شارعين يا بنتي
أوكي أنا هنزل هنا
بس شكلك مش من المنطقه هنا وممكن حد يدايقك وشكلك بنت ناس
وأكيد هنا طبعا ولاد ناس يا عمو لو حد حاول يضايقني اكيد هلاقي ابن الناس الا هيساعدني 
شكرا ليك اتفضل اجرتك
فنزلت من السياره وأكملت طريقها مشيا وكلما سألت إمراءه عن
العنوان تجدها تنظر لها ببلاهه وذلك بسبب رقتها الغير مصطنعه إلى أن وصلت 
إلى الشارع المطلوب فوجدت بعض الشباب يصفرون ويعكسونها مما جعلها تغضب وتخجل 
أيضا وهذا ظهر بوضوح من إحمرار وجهها الذي 
زادها فتنه وسحر فشعرت بالتوتر فهي لا تعرف ماذا تفعل مع هؤلاء الحمقى الا أن باغها تقدم بعض الشباب منها مما جعلها تخاف بشده وتدعو الله أن يأتي من ينفذها فاستجاب الله لدعواها ففجأه وجدت من يقف أمامها
في وجه هؤلاء الاوغاد
في إي يالا منك ليه مالكم ومال الأستاذه هو إنتو مش بتحرموا ياض منك ليه
پخوف ممن أمامهم 
آسفين يا اسطى زين أخر مره والله
ماهي هتكون أخر مره برضو بس بعد ما علم عليكم
بهلع وخوف فزين ليس بالهين ولا القليل 
لا والله اخر مره احنا اسفين يا