روايه كامله بقلم اسراء
بثقة .._لا طبعا الكلام ده مش صح حتي لو مريت باللي مريتي بيه عمر ما يوصل بيا الحال اني اكره ولادي واحاول ادمرهم مش عشان هما ولاده هو يبقي تعاقبيهم
وحاولت تستعطفها وقالتلها بحزن .._ انتي متعرفيش رعد محتاجلك قد ايه انا عشت معاه وشوفت قد ايه هو محتاجلك قد ايه غيابك مأثر عليه انتي لازم تقربي منه
حطت بهيرة ايديها علي ودنها وزعقت فيها وقالتلها بدون وعي .._اسكتي مش عايزة اسمع حاجة تاني انتي متعرفيش حاجة رعد بيكرهني عارفة يعني ايه بيكرهني عمره ما هيسامحني محدش هيسامح امه بعد ما شافها بتخون ابوه لا وكمان كانت السبب في انه يعرف ان مراته بټخونه
وساعتها جه في بالها كل حاجة كل دقيقة مرت عليها مع رعد كانت شايفة حالته كانت ازاي وتحوله لما جابت سيرة نادين مراته شافت اخر مرة لما قالها انه محتاجلها ومتسبهوش حست قد ايه هو شايل في قلبه ومستحمل دموعها نزلت في صمت وبصت لبهيرة بشفقة وفهمت انها عندها حق انه مستحيل فعلا رعد يسامحها فقربت منها وقعدت عالارض قدامها وقالتلها .._طالما عارفة انه مش هيسامحك على الاقل متخليهوش يكرهك اكتر من كدة ارجوكي كفاية اللي هو شافه ومر بيه انا مش عايزاه يكرهك اكتر امشي وانا والله مش هقؤله ارجوكي
ومسكت ايديها وقالتلها برجاء .._ وقوليلهم يسامحوني يا رهف
وسابتها وجريت وخرجت من الشقة قبل ما رعد يجي ويعرف ان امه اللي كانت خاطفاها ويكرهها اكتر وكانت خارجة من العمارة لما شافها رعد وهو نازل من عربيته الناحية التانية اول ما لمحها ابتسم وقال بلهفة .._رهف
وهيا اول ما شافته ابتسمت وجريت عليه وهو بقي ماسكها بتملك وكأنه بيطمن نفسه انها معاه فضلو كدة شوية كتير وبعدين رعد خرجها بعدها وهو بيبصلها پخوف وبيطمن عليها وبيقؤلها بقلق .._طمنيني عليكي انتي كويسة عملت فيكي حاجة
رعد استغرب وقالها.._ لولاها ازاي مش فاهم
ابتسمت رهف ومسكت ايده وقالتله.._ بعدين يا رعد يلا بينا
رعد حمد ربنا انها بخير وقالها بحب .._مش متخيل لو كان حصلك حاجة كان ممكن هيجرالي ايه يا رهف
مسح بايده علي خدها بحنان وقالها .._كنت غبي لما فكرت ابعدك عني يا رهف بس صدقيني ڠصب عني خفت تكرهيني ولما تعرفي هتعذريني
ابتسمت رهف وقالتله وهيا بتحاوط وشه بايديها .._عرفت كل حاجة يا رعد وعذراك صدقني وحتي لو انت حاولت تبعدني عنك انا لازقة بغرا ومش هتعرف تخلص مني ابدا
رعد لسه هيتكلم بس سمع صوت حسام من وراه بيقؤله بسخرية وهو واقف وساند عالعربية .._هيا فقرة الرومانسية دي هتخلص امتي معلش عشان جاتلي حموضة
رهف بصت لرعد باستغراب فرعد ابتسم و هز دماغه فرهف فهمت انهم اتصالحو وان اخيرا رعد بقي عندو عيلة حواليه بتحبه فبصت لحسام وقالتله .._امم اعتقد دي نفسنة مش كدة خلاص سهلة روح شوفلك واحدة وحبها واتجوزها
ابتسم حسام وقرب منهم وقال لرهف بجدية واحراج .._انا اسف يا رهف علي كل حاجة
ابتسمت رهف وقالتله بفرحة .._ولا يهمك المهم انك دلوقتي معانا
وحاوطها رعد بايديه وقالها.._ يلا بينا
وبص لحسام وقاله .._ كلم مازن قوله ان رهف خلاص معانا
هز حسام راسه وطلع موبايله وهو بيركب العربية هو ورعد ورهف اللي كان رعد ماسكها بتملك كانها هتضيع منه وركبو هما التلاتة العربية ورجعو عالڤيلا
بعد شهر من الاحداث اللي كانت صعبة على الكل كانو متجمعين كلهم في بيت رهف كان قاعد مازن قصاد جمال ابو رقية وحاطين ايديهم في ايدين بعض والمأذون في النص وحاطط المنديل علي ايديهم ومازن بيردد وراه وعينه علي رقية اللي قاعدة جمب ابوها بتبصله بخجل وقلب بيدق وبيأكد مشاعرها اللي كانت متلخبطة واول ما المأذون قال بارك الله لكما وبارك عليكما وجمع بينكما في خير قام مازن بفرحة وقرب من رقية اللي كان قلبها بيدق من الفرحة وكانت مكسوفة من الكل فقالها بدون مقدمات .._ بحبك يا رقية من اول لحظة لمحت عيونك دول
