اسكريبت عوضني ربي خير عوض بحبك

و سندت براسي ع المكتب و كل ما افتكر جملته قلبي يدق جامد طب ليه ! مفكرتش في حاجه غير جملته و نظراته رغم قسوته في الكلام لكن عيونه بتقول عكس كدا رحت في النوم .
دكتور موج يا دكتور قومي بسرعة يا دكتور
فتحت عيني و بصتلها بنعاس ايوة يا جهاد خير
عم احمد مريض الكبد جاتله الحالة ال بتجيله و مفيش حد من الدكاترة هنا
قمت بفزع و جريت عم احمد تعالي ورايا بسرعة
دخلت الاوضة بسرعة و كشفت عليه
لازم يدخل العمليات فورا
واخدين بابا ع فين و عملتوا فيه اي

!
بصيت ورايا لمصدر الصوت و قلبي دق بشدة انت !
بصلي بقرف انتي تاني !
انت ابن عم احمد
عندك اعتراض !
بصتله من فوق لتحت و ضحكت بإستهزاء كانوا الممرضين خرجوا من الاوضة لاوضة العمليات بالمړيض جيت اخرج وراهم قفل الباب و مسك دراعي تاني بقوة و عصبية
انتي ازاي تتكلمي معايا كدا و تبصيلي كدا انتي متعرفيش انا مين و ممكن اعمل فيكي اي !
كنت ببعد عنه سيب دراعي يا حيوان
شدد من قبضته ع دراعي و لو مسبتش !
يبقي تعد الدقايق الجاية الباقية لوالدك في الحياة مش والدك برضو ولا اي !
بعد و هو ع وشه ملامح ملهاش وصف طلعت اجري عشان العملية
بعد تعب كتير لمحاولة انقاذه و برغم قلة نومي لكن قدرت انقذه و حمدنا ربنا كلنا بعد العملية دي لان عم احمد مش مجرد مريض دا أب لنا كلنا 
عملت لعم احمد 3 عمليات و كنت بخرج كل مرة و انا عارفة اني مش هلاقي حد يتطمن عليه و لكن انا كان عندي امل كبير اني علي الاقل المرة دي هخرج القي ابنه برا منتظر بلهفة و قلق يعرف حالة والده و لكن ملقتش حد !
جهاد هو ابن عم احمد دا جه امتي و اي ال فكره بيه !
عم احمد كان تعب الفترة ال فاتت اوي يا دكتور و كنا محتاجين حد يمضي ع تقراير عمليته خصوصا ان مكنش فيه فلوس للعملية دكتور حسام طلب ابنه و جه بعد ما كنا ناقصين اننا نبوس ايده عشان يجي دفع الفلوس و مشي و مسألش حتي ع حالته سمعت انه ابنه بحر دا هو صاحب شركات ukh الكبيرة و من اغني اغنياء مصر بس معروف عنه انه بيكره الستات حتي كل ال بيشتغلوا معاه رجالة الغريبة انه جه النهاردة !
نقلوه لاوضته و دخلت علقتله محاليل و قرأت كذا اية من القرآن بنية شفاؤه
سبته و خرجت اتطمنت ع المړيض التاني كانت الساعة بقت 8 الصبح رحت لمكتبي اخدت شنتطي عشان اروح البيت انام شوية

و ارجع نزلت لقيته قاعد ف الكافتيريا تحت بيشرب قهوة و سرحان قربت منه