بقلم اميره يحيي
وسمعت صوت والدها بيقول
نسيبكم شويه مع بعض.
قامو كلهم وكانت رؤيه شرعيه بينا وشها كان أحمر وقالت بصوت هادي حسيت بقلبي انتفض أول مسمعها
متأكد.
من إي.
أنت عارف.
قلبي شايف قلبك.
قلتها بدون تفكير ووشها أحمر أكتر وجفون عينها وسعت قلت بأعتذار
آسف أعذريني معرفش إزاي قلت كدا حقيقي أنا آسف.
سكتت وقالت بتوتر
طيب أنا احم ينفع اسألك شوية اسأله.
لو قصرت في شغل البيت إي موقفك.
قصري براحتك إحنا مش آلات أساعدك أنا.
متأكد.
مليون في الميه.
هتتكسف مني في أي مناسبات مش خاېف يقولو عليك تزوجت من..
قطعت كلامها وقلت
بعتذر على قطعي لكلامك بس اتكسف من إي. ربنا بيخلقنا في أحسن صوره ولا أنتي رأيك غير كدا.
عمري معترضت بس المجتمع.
مدام ايدينا في أيد بعض يسوى إي المجتمع.!
لو ربنا رزقنا بطفل صعب اراعيه بالكفائه الكامله.
لما ربنا يرزقنا بطفل هتكونه إنتو الإتنين في عيني.
ابتسمت وقالت وهى بتقوم
ردي هيوصلك مع والدي.
رجعت بصيت في الأرض ووالدها جه أول مشافها قامت من أوضه الجلوس الي في وشنا ودخلت والدتي وقالت أول مشافتها هتدخل اوضتها
ها.
ردها هيوصلي منك يا عم حسن.
قمنا كلنا ومشينا دخلنا البيت والدتي قلعت الطرحه بضيق وقالت بسخريه
ردها هيوصل مع أبوها ال البت يعني هترفض
استغفرت ربنا ودخلت اوضتي علشان اتوضى وأصلي ركعتين..
شفتي يعني سايب صحبتي ياماما الي أي حد يتمناها وشفتي رايح يخطب مين.
قالتها مروه بضيق من تصرفات يحيى قالت الأم
أنا مش فاهمه دماغه فين.! وال مستني رأيها ما أكيد هتوافق..
أما نشوف أخرتها معاه.
يعني أي يماما هنسكت.
هنعمل إي يعني.! ما أنتي شايفه مش قابل حد يعارضه في الموضوع خالص.
أتنفست بضيق وبعدها سكتت واليوم عدى وجه يحيى يبشرهم بموافقة العروسه
عم حسن بلغني يا ماما وافقت.
قالتها والدته بلامبالاه وهى موجهه تركيزها كله في التلفزيون....
....................................
الأيام عدت بسرعه وقلبي بيتنفض النهارده اليوم الموعود هتجوز ومش أي حد هتجوز الشيخ يحيى الي بابا دايما بيحكيلي أي إيأميرة يحيىهو إنسان خلوق وهادي والناس كلها بتحبه سمعت صوت ماما وهى بتقولي
حسيت بصوتها والدموع فيه ومالت وباست راسي ابتسمت وقلتلها
الله يبارك فيكي يا أمي أنتي بټعيطي ولا إي.
لا لا مبعيطش.
أنا وداني بتسمع كويس دا صوتك وأنتي بټعيطي.
يوه بقى صعب عليا ياحبيبتي تسبيني وأنتي كل حاجة في حياتي.
والله أعيط والغي الفرح وأقعد جنبك.!
لا تلغي إي.! دا الشيخ يحيى.
الظاهر بتحبيه أوي.
سبحان الله يبنتي ربك حاطط حبه في قلبي كدا حساه إبني الي مجبتهوش.
الله الله أغير بقى ولا ايييي.
أنتي قلب ماما.
حسيت بحضنها وابتسمت بعد شويه خرجت ودخلت تاني وقالت
يالا ياعروسه.
سمعت زغاريط كتير في المكان وحسيت بسخونه في وشي من الكسوف ياترى أي نظرته دلوقتي كان نفسي أشوفها بس ربنا قدر بكداأميرة يحيىخمس سنين وأنا كدا ومش
زعلانه بل راضيه بقضاء ربنا حبيبي فكل ما يأتي من عند حبيبي فهو حبيبي..
ماما وصلتني للكرسي وقعدت وسمعت صوت المأذون وهو بيقول كلامه المعتاد الخاص بعقد القرآن حاولت اهدي نفسي وكنت بلعب في صوابعي بتوتر لحد مسمعت بنت خالتي الي شكلها نتشت المنديل منهم وقالت
أديني الأماره واديك منديلك أنت ونن العين.
حسيت وشي أحمر وسمعت ضحكته الهاديه وقال
اماره واحده بس.! دا مية ومية ألف اماره كمان.
سيدي ياسيدي.
قالها المأذون وأعتقد يكون صاحبه والكل فضل يضحك ماما قومتني وقالت
يالا يحبيبتي.
قمت وتبت في ايديها وقلت بصوت واطي
ماما
اهدي ياحبيبتي مټخافيش أنتي رايحه
