روايه العوض بشكل آخر كامله بقلم فاطمه مجدي

انى مش هاقدر اكمل معاكى
_هه مش كنت بتقول انك بتحبنى وعايز نتجوز بسرعة
رد عليا بنبرة قاسېة اول مرة اسمعها منهالكلام ده قبل ماتبقى عامية..اتجوز مين ياحلوة ده انتى عايزة اللى يخدمك
كلامه شبه السكاكين قطعت فى شرايين قلبى بس رغم كده رسمت البرود ناديت على اختى وطلبت منها تجيب الشبكة وكل حاجة جابها من يوم ما اتخطبنا

كل حاجتك موجودة قدامك انا اللى مايشرفنيش انى اكمل مع واحد زيك
قام مشي وانا عيطت اخواتى وماما حواليا بيحاولوا يواسوني بس انا مكنتش قادرة اتكلم معه حق فى حد هيرضى بيا!!
.............................
بقا كده ياسلوي كنتى عايزة تنزلى تشتغلى انا قصرت معاكى فى حاجة يابنتى
_ابدا ياماما انا بس قولت اسلي نفسي وفيها اى لمة اساعدك بعدين خلاص بقا ادينى مش هاعرف اشتغل خالص
ماتزعليش ياحبيبتي اللى حصلك ده خير ويكفى انى خطيبك بان على حقيقته
_الحمدلله على كل حال
بدأت اخد على الوضع واحدة واحدة لحد ما في يوم سمعت فى الراديو عن جمعية للمكفوفين بيعلموهم القرآن وكمان فى وظايف مناسبة ليهم للى حابب يشتغل 
طلبت من ماما انى اروح وهى وافقت وخدت معايا اختى الصغيرة 
.................
مالك يا هاجر فى اى
القطة ديها ماشية ورانا ومش عايزة تسيبنا
بجد طيب استني
طلعت اكل من اللى معاياخدى ادهولها
تصدقى أنها وقفت تاكل شكلها كانت جعانة فعلا
لو لقيتى قطة أو كلب ماشيين عندك وفى مقدرتك تجبلهم اكل او شرب ماتتردديش لحظة لأن ده ثواب ليكى انتى
حاضر هاعمل كده ديما
دخلت واتقبلت فى الوظيفة كمان بفضل الله
سلوي خليكى هنا ثانية هادخل الحمام واجيلك
اتأخرت عليا فاتمشيت شوية ولسوء حظى خبطت فى حد
ااه مش تفتح ياأستاذ
_انا آسف بجد انا فعلا ماشوفتش حضرتك لانى كفيف
أنا اللى آسفة اوى ماقصدش انا كمان كفيفة
فى الوقت ده جيه شخص ناده عليه وجت هاجر
ياسين انت كويس معلش اتأخرت عليك
سلوي حبيبتي معلش اتأخرت عليكى
كل واحد فينا مشي وبقيت بروح كل اسبوع احفظ قرآن واشتغل على قد ما عانيت فى البداية على قد مانا مبسوطة اوى
_صوتك جميل اوى تبارك الله
كنت قاعدة بقرأ قرآن واول ما خلصت لقيت ياسين بيقول كده
ا..انت واقف هنا من امتى
_اهدى مالك متوترة لى انا مكنش قصدى اسمعك انا عديت بالصدفة وسمعت صوتك وارتاحت فحبيت اسمعك للاخر
حصل خير عن أذنك
_استني انتى بتشتغلى هنا
رديت عليه وانا بحاول امشياه
وده كان آخر يوم قابلته فيه ومش عارفه انا مضايقة ليه انا اصلا ماعرفوش وعرفت اسمه بالصدفة لمة اخوه قال اسمه قبل كده
....................
سلوي فى عريس متقدملك بس هو كفيف
_عريس اى ياماما انا صرفت نظر عن الجواز وبعدين هو كفيف لى عاوز يتجوز واحدة كفيفة
يابنتى اقعدى معه بس لو مارتاحتيش خلاص
وافقت عشان ماتزعلش ويمكن عشان حاسة براحة مش عارفة لى
احم ازيك يا آنسة سلوي
ثانية واحدة الصوت ده مش غريب عليا
أنا
ياسين اللى معاكى فى الجمعية بصراحة لمة جيتى الجمعية سمعتك وانتى بتتكلم مع حد عن أننا نأكل الحيوانات وكده حبيت كلامك وحسيت براحة وانا بتكلم معاكى عشان كده حبيت ادخل البيت من بابه
_بس انت عارف انى كفيفة جيت اتقدمتلى لى
مش فاهم اى المشكلة طب مانا كمان كفيف العمى الحقيقى عمى القلوب مش العيون وانا صليت استخارة اكتر من مرة قبل ما اخد الخطوة ديها وارتاحت
_طيب ينفع تدينى فرصة افكر واصلى استخارة انا كمان
اكيد طبعا
فضلنا نتكلم شوية ونتعرف على بعض بعد اما مشي صليت استخارة وارتاحت بلغت ماما بموافقتى واللحظة اللى كنت خاېفة منها جات بس هو كان رده مختلف عن عصام
احنا عايزين يابنى بس نطول الخطوبة شوية عشان لسه مش جاهزين
وانا ياأمى مش عايزة حاجة غير شنطة هدومها بس..انا شقتى جاهزة من فترة ومش ناقصة حاجة وآنسة سلوي لو حبت تغير حاجة مافيش مشكلة
ايوا يا بنى بس مايصحش
خد تنهيدة طويلة سمعتها وانا قاعدة معاهمانا كنت خاطب قبل كده والشقة كانت جاهزة بس فى يوم عملت حاډثة وانا راجع من الشغل وفقدت بصرى بسبب كده خطيبتى سابتني وفرح كان فاضل عليه شهر..فعشان كده الشقة جاهزة والشقة كلها على ذوقى
بعد كلام كتير بينهم ماما وافقت والغريب انى كنت مرتاحة وكنت موافقة انا كمان
مرت الايام بسرعة والنهاردة الفرح كان اهله وأهلى مكنش فى ناس كتير فرحنا مع بعض وبعدين روحنا
_قبل اى حاجة عايزين نصلى مع بعض عشان ربنا يوفقنا فى حياتنا
وصفلى الاوضة غيرنا وصلينا مع بعض من بعدها حياتى كنت جميلة جدا صحيح انا فقدت بصري بس ربنا عوضني بزوج صالح زيه وحياة هادية وبسيطة زى حياتنا
_بقولك اى ماتيجى نتقاسم المهام انتى ادينى قلبك وانا اديكى الأمان
يامفترى عايزنى اديكى قلبى وتدينى الامان بس
_هو الامان ده شوية!..انى اديكى الأمان يعنى اكون مطمن وانا جمبك عارفة بالظبط زى واحد مغمض عينه و ماسك فى ايد شخص وبيعدى الطريق..اهو انتى الشخص ده ياسلوي انا متأكد انى لو حصلي حاجة هتفدينى بروحك..اديكى الأمان يعنى اسلمك قلبى وانا عارف انك لايمكن تكسريه
هو انا قولتلك النهاردة انى بحبك!
_لا بس ممكن تقولى عادى جدا
.................
_سلوي حبيبتى انتى فين
اي مالك يا ياسين فرحان كده لى
_مفأجاة جميلة اوى فى دكتور جراحة عيون نازل مصر وعامل تخفيض فى سعر العمليات وانا الحمد لله كنت بحوش فلوس عشان اعملك عملية وترجعى تشوفى من تاني
لا لو حد هيعمل يبقى انت مش انا
_حبيبتى اوعدك هاحوش فلوس تاني وابقى اعمل عملية انا كمان
خلاص لمة تحوش تانى نبقى نعملها سوا 
رد عليها بزعيقيووه ياسلوي هو اى عناد وخلاص يعنى انا نفسي افرحك وانتى بتعاندى
عيطت لانى اول مرة يزعق وانا مش بحب الزعيق حس انى بعيط قرب منى وحسس على وشي 
_انا حقيقى آسف انى زعقت بس انا بحبك بجد ونفسي ترجعى تشوفي من تانى انتى عندى اهم من نفسي وبعدين 
مش عايزة تشوفى شكلى عامل ازاى
لا مش عايزة اشوفك لانى شايفك بقلبى وانا مش يعاند معاكى بس ياما انت تعملها ياما خلاص
خلصت كلامى ودخلت الاوضة قفلت على نفسي وبدأت اصلى ودعيت
_يارب ياسين يوافق يعمل العملية انا راضية بقضائك يارب ومرتاحة انا نفسي هو يرجع يشوف من تانى اجبر بخاطره يارب لانه ديما بيجبر بخاطرى
على الجانب التاني ياسين ساجد فى الارض وبيبكى
_يارب انا راضي بقضائك ومبسوط بنصيب يارب سلوي تعمل العملية نفسي افرحها زى ماديما بتفرحنى نفسي يرجعلها بصرها تانى يارب
مالي إليك وسلية إلا الرجى
اليوم اللى بعده راحوا الجمعية وكل واحد بيقنع التانى رجعنا البيت وشوية والباب خبط
مساء الخير
_مساء النور مين حضرتك
حضرتك أستاذ ياسين
_ايوا انا
،أنا مدحت ومحتاج حضرتك فى موضوع كده
_تمام اتفضل
أنا هادخل فى الموضوع عالطول ممكن تسمحلي انى اتكفل بمصاريف عملية لحضرتك بخصوص بصرك
_انا!!!طيب اشمعنا انا وحضرتك عرفتنى منين
_من كام سنة بنتى عملت حاډثة وفقدت بصرها كنت بحاول اجمع فلوس عشان خاطر اعملها عملية بس فى يوم كنت بشتريلها شوكولاتة جريتى عند العربيات وماټت قعدت فترة فى حزن عشان كانت بنتى الوحيدة..
سكت فجأة
_حضرتك كويس
قررت انى الفلوس اللى كنت بجمعها عشانها اتبرع بيها لاول شخص كفيف اشوفه وشوفتك انتى وواحدة معاك فى الوقت ده كان نفسي يبقى معايا فلوس ليكم انتو الاتنين بس انا شوفتك قبلها عيطت من الفرحة ونزلت سجدت قد اى انت رحيم بينا يارب
قام من على الأرضانا مش عارفة اقولك اى بجد
_ماتقولش حاجة كفاية عندى الفرحة اللى انت فيها أنا عايزك بس لمة تفتكر بنتى تدعيلها
روحنا فعلا المستشفى بس بدل ما واحد فينا يعملها لوحده هنعملها احنا الاتنين
_ممكن طلب لو سمحت قبل ماتشيل الشاش 
اكيد اتفضل
_عايز نشيله انا ومراتى مع بعض
جابوا سلوي والدكتور كان شال الشاش لياسين بس كان لسه مغمض عينيه
يلا ياسلوي واحد
_اتنين
تلاتة
فتحوا عيونهم سوا واتكلموا فى نفس اللحظة
أنت حلو اوى
_انتى جميلة جدا
قرب منها وباس عيونهاقبل ماقابلك مكنش عندى دافع ولا أمل انى ارجع افتح تانى ..ولمة فتحت مكنتش اعرف انى هافتح على شخص جميل كده
أنت طلعت اجمل مما تخيلتك جمالك الداخلى نور جمالك الخارجى..بقولك صح اي رأيك لو نتقاسم المهام أنا اديك قلبى
حط صوبعه على بوقهاوانا اديكى الامان
العوض بشكل آخر
_فاطمة مجدى