اسكريبت كامل بقلم الكاتبه اسراء مصطفي

مش كل حاجة على فكرة وريني هتعمل بيها ايه وهي شايفة ابنها حزين ومش قادرة تطلعه من حالته وظلمها لمريم انا متأكدة إنه هيتردلها. 
هي غلطت اها بس هي مش وحشة زي ما انتي مفكرة. 
ربعت ايدي اتكلمت بغيظ والله! اها فعلا دي ملاك وانا اللي ظالماها.
انا مقولتش انها ملاك كل الحكاية إن هي أم شايفة انها كدا بتحمي ابنها طبيعي تخاف عليه. 
من مين من مريم! هي تعرفها منين اصلا علشان تحكم عليها! 
عندك حق علشان كدا بقولك انها غلطت لكن علشان هي متعرفهاش فهي خاڤت تكون طمعانة في يوسف علشان هي ..
مكملش كلامه ففهمت قصده علشان هي مستواها المادي عادي مش كدا! 

ضړبت كف بكف وانا بضحك بعدم تصديق والله انتوا تلأغنياء بتضحكوني اوي بتحسسوني إنكوا محور الكون وانتوا حرفيا ولا حاجة شوية الفلوس اللي انتوا فرحانين بيها دي لما تروح هتبقوا ولا حاجة وخلوا غروركوا وقتها ينفعكوا. 
دا انتي شايفاني انا كمان كدا! 
عايز تفهمني انت تفكيرك مختلف! ما انت منهم واكيد تفكيرك زيهم.
اكتفى بإنه يبصلي بغموض مرعب وانا في الوقت دا استوعبت طريقة كلامي ومعناه. باقي اليوم فات من غير ما يتكلم معايا وبصراحة عنده حق انا زودتها معاه لكن فعلا مكنتش اقصد.
ودا كل اللي حصل. 
اها. 
هو ايه اللي اها! 
مش عارفة والله يا إسراء مش قادرة الومها وفي نفس الوقت زعلانة منه. 
أدهم سألني إذا كنتي هتوافقي ترجعيله لو اتكلم مع مامته 
لأ. 
لأ ليه انتي بتحبيه وهو كمان بيحبك وطلع إنه سابك علشان خاېف عليكي. 
وانا مش عاوزة أبني أمل جديد واصحى على واقع يوجعني من تاني. 
مش شايفة إنك استسلمتي بسرعة انا مش متعودة عليكي ضعيفة. 
ما انتي عمرك ما كنتي ضعيفة يا إسراء لكن لما الموضوع بقى ليه علاقة بالحب ضعفتي. 
وانا ايه علاقتي بالحب! 
إسراء! 
قلدتها وانا بحاول اقلب الموضوع لهزار مريم! 
هي دي إسراء لما تحب تهرب من حاجة. 
مش بهرب بس انا قولتلك قبل كدا إني عمري ما هحبه. 
هو انا قولتلك قبل كدا إنك كدابة 
اها كتير. 
ضحكت طيب كويس انك عارفة. 
رجعت اتكلمت بهدوء متحاوليش تخبي عليا علشان انتي مهما تداري عن اللي حواليكي مش هتعرفي تداري عليا. 
اتنهدت انا لو بحاول اداري فهيبقي على نفسي بحاول اقنع نفسي اني محبتوش علشان عارفة نهاية مشاعري دي ايه. 
على فكرة انتي ممكن تطلبي من دكتور شريف إن حد يكمل مكانك بلاش تروحي لو دا هيتعبك. 
مش هينفع أدهم اخيرا استجاب للعلاج معايا انا والحمد لله بدأ يتحسن بشكل ملحوظ ومش ضامنة إذا كان هيقبل يكمل مع دكتور تاني ولا هيعمل معاه زي اللي قبله وعلشان كدا انا هكمل لحد ما يخف ووقتها كدا كدا هنبطل نشوف بعض. 
مسكت خدودي بابتسامة مرحة صاحبتي أم قلب حنين.
ابتسمتلها وانا بحاول اشتت نفسي اني مفكرش في أي حاجة تزعلني ٥ شهور مش قليلين ٥ شهور كانوا كفاية إني أعرفه كويس بكون مبسوطة اوي وانا شايفة فرحته في كل مرة بيتحسن فيها أيام قليلة اوي وهيبقى مش محتاجلي لإنه خلاص هيخف لكن انا في منتهى سعادتي علشانه.
خد بالك انا آخر مرتين جيت فيهم وانت مش طايقني لو مش حابب وجودي انا ممكن ابطل آجي على فكرة. 
وانا مش هطيقك ليه يا دكتورة دي تهيؤات منك مش اكتر. 
ضغطت على رجله بغيظ من بروده انين ضعيف طلع منه