روايه بنت في ورطة كامله بقلم كوكي سامح

قالك انى موافقه! 
اكيد مش مكتوب على وشى يعنى 
المتسول.. وايه اللى يخليكى تيجى لواحد زى 
وانا شايف انك مش مستنضفانى خالص
يبقى اكيد وافقتى 
حوريه.. انا موافقه بس بشروط 
المتسول بلهفه.. اؤمرى 
حوريه.. انت قولت انك هتعالج اخويا المړيض 
وهتساعد أهلى وهتظبط حياتهم 
يا ترى الكلام ده حقيقه ولا فض مجالس

علشان أوافق وقبل ما ترد عليه 
انا بقولك اهو لو حقيقه يبقى تنفذه قبل ما ادخل 
القصر وبدموع قبل ما استغنى عن أهلى واخواتى 
أغلى الناس عندى 
المتسول.. موافق 
حوريه..ممكن أسألك سؤال 
المتسول.. طبعا 
حوريه.. انا مش مستوعبه انى هكون صاحبه القصر وبجد بفكر انا هدخله ازاى 
وبعدين.. ايه المقابل اللى انت عاوزه! 
المتسول.. تقصدى مقابل ايه 
حورية.. مقابل انك تساعد أهلى وتغير حياتهم 
وانا كمان هكون صاحبه القصر 
ليه كل ده واشمعنى انا 
المتسول.. كل ده هتعرفيه بعدين لما تتدخلى القصر 
حوريه.. هعرفه ازاى.. مش انت بتقول هنسى كل

حاجه بشكه دبوس يبقى هعرف منين 
المتسول طلع فون من جيبه وفى دقايق 
كان عنده عربيه فخمه 
لما شافتها انبهرت بيها واستغربت 
وكانت لما تسأله على حاجه ميردش عليها 
وخدها وراح بيها على عماره قديمه فاضيه 
حوريه.. على فين.. ايه العمارة دى وبتاعه مين 
المتسول.. بتاعتى 
حوريه.. نعم.. عاااا
المتسول.. بصى انا مش عاوز اسئله كتير 
وطلب منها تتدخل معاه العماره 
حوريه بتبصلوا ودخلت معاه 
من غير ما تحس
وطلع بيها على الدور الأول 
وقفل الباب وقعد معاها وطمنها على الآخر 
حوريه قاعده وخاېفه جدا 
المتسول.. العمارة دى انا هديكى المفتاح 
بتاعها علشان كل لما تعرفى حاجه جديده 
هتلاقى نفسك جيباكى لحد هنا من غير ما تحسى
حورية.. انا مش فاهمه حاجه 
المتسول.. كله هتعرفيه لما تتدخلى القصر
وتبقى صاحبته
حوريه.. قبل كل ده تنفذ وعدك ليه 
المتسول.. قولتلك هنفذ بس المهم 
انك هتدخلى القصر وهتعيشى مع أيوب واخته 
واتنين من ولاد عمه 
حورية..تقصد أيوب صاحب القصر
المتسول.. ايوة هو 
حوريه.. وهعيش معاهم بصفه ايه 
المتسول.. لما تتشكى بالدبوس 
وطلعه من جيبه
هتعرفى انتى مين 
وعايشه هناك بصفه ايه 
وكل يوم الساعه واحده بالليل هتلاقى نفسك 
طالعه الجنينه وقصاد الباب هيكون فى ورقه
حوريه.. ورقه ايه! 
المتسول.. الورقه دى هيكون فيها المطلوب منك 
بالظبط. 
حوريه.. يعنى انا الساعه واحده بالليل 
هطلع والاقى ورقه 
طيب وليه اللفه دى كلها ما انت تقابلنى 
او تقولى دلوقتى 
المتسول.. بقولك انتى هتنسى كل حاجه 
حتى اهلك وناسك وانا كمان 
مش هتفتكرى حاجه خالص 
لو نفذتى المطلوب منك وطبعا اللى فى الورقه 
القصر هيكون ملكك 
حوريه بفرحه.. ان شاء الله هنفذه بس وعد 
ان القصر هيكون ملكى 
المتسول.. ايوة 
وهترجعى تفتكرى كل حاجه 
وأهلك كمان هيفتكروا حوريه بنتهم 
ووقتها مش هتحسى انك بعدتى عنهم يوم واحد 
وبزعيييق.. حوريه 
حوريه.. نعم 
المتسول.. علشان كل ده يحصل 
ممنوع الحب.. اياكى والحب 
حوريه.. انا مش للحب 
المتسول.. فى حاجه وخاېف منها جدا 
وبصلها وقال.. فى حد شافك النهارده 
حوريه.. اكيد طبعا.. أهلى وناس فى الشارع 
عادى يعنى.. اكيد انا مش شفاف 
المتسول.. انا اقصد.. فى موقف حصل مع اى 
حد يكون مميز
حوريه بداخلها.. هو بصراحه فى الشاب الملتحى 
وطبعا كان هيفضحنى وحصل بينا موقف والشاب التانى اللى نقذنى 
المتسول.. ردى عليه.. فى حد حصل معاه 
اى حاجه مميزه النهاردة 
حوريه.. لا ليه

المتسول.. كويس طمنتينى 
حورية.. بس ليه 
المتسول.. علشان لو حد شافك قبل ما تتشكى 
بالدبوس ب ساعات ويكون غريب غير اهلك 
وحصل معاكى ومعاه حاجه مميزة 
مشكله مثلا اى حاجه 
ده الوحيد اللى هيعرفك 
ووقتها لو عرفك هتلاقى نفسك بره القصر
وبكده هتخسرى القصر 
وانا كمان هكون خسړت كل حاجه 
حوريه بداخلها.. انا مش هقولوا حصل ايه
علشان ممكن يدور على حد غيرى
وانا بصراحه محتاجه انه يساعد أهلى 
وبعدين يعنى الواد المعقد الملتحى هيشوفنى فين 
وحتى الشاب اللى نقذنى كمان 
اكيد عمر ما حد فيهم هيشوفنى ولا انا
المتسول.. يلا نتكل على الله
حوريه.. سؤال.. هو انت ساحر ولا مشعوذ 
المتسول پغضب.. اسكتى دلوقتى ومش عاوز اسئله ولسه هيشكها
حوريه.. لا مش دلوقتى لما تنفذ وعدك ليه
المتسول.. انا نفذت يا حوريه 
حوريه.. نفذت ايه بقى 
المتسول.. الاتفاق تجاه اهلك 
انا نفذته خلاص وهما دلوقتى مبسوطين 
وحتى هشام اخوكى 
من بكره هيكون فى احسن مستشفى يتعالج فيها
حوريه بذهول.. انت عرفت هشام منين! 
المتسول.. انا عارف عنك كل حاجه 
حوريه.. طيب ممكن اكلم مامى علشان اتأكد 
المتسول.. هتكون اخر مكالمه 
لان بعد كده انتى هتكونى فى مهمه 
وبعدين هتنسى كل حاجه 
مسكت الفون واتصلت بمامتها 
ولما رددت عليها طلبت منها متتأخرش
حوريه.. مامى انتى كويسه 
الام.. انا مبسوطه منك علشان رجعتى حقنا من الراقصه النصابه والحمد لله فلوسنا رجعت
وهنرجع زى الاول واحسن 
وهشام هيتعالج بس تعالى بسرعه 
يا حته من قلبى  
حوريه قفلت معاها وهى بتبكى 
وبالنسبه ليها مكالمه الوادع 
المتسول.. خلاص اطمنتى 
حوريه.. ايوه.. هو انت عرفت موضوع الراقصة 
منين! 
المتسول.. ما انا قولتلك انى عارف عنك 
كل حاجه 
حوريه.. سؤال اخير 
المتسول.. اسألى بس خلى بالك لو عدت 10 مش هينفع تتشكى دلوقتى 
وبص فى الساعه.. باقى دقايق 
وبعصبيه اسألى بسرعه 
حوريه.. طيب وموضوع اخويا الاكبر منى 
بجد ممكن اتجوزوا
المتسول.. انا نبهت عليكى ممنوع الحب 
حوريه.. اوك 
المتسول مسك الدبوس 
حوريه رفعت الكم علشان يشكها فى دراعها 
إنما طلب منها انه يشكها فى رجليها 
عرت رجليها وودت وشها الناحيه التانيه 
المتسول خد الدبوس 
وشكها.
حوريه بۏجع وصړاخ.. آآآآآه 
ونامت _______
حوريه نامت بعد شكه الدبوووس
__ بعد مرور يومين فى قصر أيوب 
تقوم حوريه من النوم وهى پتتوجع من ألم فى جسدها.. بصت جمبها على الكومود وشافت حقن وأدويه
مجهوله.. حمدالله على السلامه يا انسه حور
حوريه بخضه... انتى مين
مجهوله.. معقول نستينى يا حور هانم 
انا الممرضه بتاعتك
حوريه بۏجع.. اااااه.. ممرضه ليه هو انا تعبانه
ومسكت جسمها.. انا فعلا حاسه انى جسمى مكسر
بس مش لدرجه ان يكون عندى ممرضه
الممرضه.. انا أسمى أمل يا هانم.. حضرتك بعد ما رجعتى من امريكا.. حصل معاكى شويه تعب
وجلال بيه أمر ان اكون جمبك على طول
حوريه.. مين جلال ده!
أمل.. لا حول ولا قوة الا بالله.. جلال بيه
ابن عم حضرتك! 
وبتوتر قامت من مكانها وفتحت الدولاب
وطلعت منه علبه خشب بنى قديمه جدا
وقعدت جمبها على السرير
وحطتها على رجلها
حوريه ماسكه دماغها وبعدم تركيز.. ايه ده!
أمل.. العلبه الخشب دى جلال بيه سابها
لحضرتك امانه وقالى لما تفوق لازم تفتحها
وقال إن فيها ورق مهم جدا
حوريه.. ورق ايه!.. انا مش فاهمه حاجه خالص!
أمل.. معرفش.. بس ممكن حضرتك تفتحيها 
حوريه بتفتح العلبه وايدها بترتعش
وبصت للممرضه.. انتى قولتى اسمك ايه 
الممرضه پحده.. تانى يا هانم.. انا أمل 
حوريه.. طيب افتحى العلبه علشان انا حاسه 
ان كل اعصابى سايبه
مش عارفه فى ايه.. وبصت لإيدها والرعشه 
بتزيد انا بجد مش عارفه مالى 
امل خدت العلبه وفتحتها وطلعت منها ورق وسلسلة مفاتيح دهب 
وبتعجب وذهول.. الله ايه الجمال ده 
سلسله مفاتيح دهب وكمان مطبوع عليها اسمك
حور العين
يااه انا اول مره اشوف سلسله مفاتيح قيمه 
بالشكل ده 
حوريه بعدم تركيز.. طيب شوفى الورق فى ايه 
أمل.. حاضر حاضر.. معلش يا انسه.. احم.. قصدى يا هانم اصل السلسله عجبتنى وشدتنى ليها 
وشافت الورق وقرأته 
ومسكته فى ايدها وبتعجب شديد.. ايه ده 
حوريه.. ايه.. الورق فى حاجه مش كويسه ولا ايه
بالظبط 
أمل.. ده عقد باسمك يا انسه حور 
حوريه.. عقد بأسمى انا 
أمل.. ايوه.. عقد بيثبت ان القصر ده ملك حضرتك 
بأسم حور العين شمندى 
وطلعت شهاده ميلاد بنفس الاسم 
ومدت ايدها بالعقد وشهادة الميلاد 
حوريه.. ايه ده! 
أمل.. الورق يا حور يا هانم 
اللى يثبت ان القصر ده كله ملكك وكمان شهاده 
ميلادك 
حوريه بصت حواليها.. قصر ايه اللى مالكى! 
أمل وقفت ودبت برجليها على الارض
القصر ده يا انسه حور
حوريه بتحاول تقوم من السرير.. شالت الكوڤرته
من عليها.. العلبه وقعت على الارض
ووقع منها ورقه مختلفه عن العقد وشهادة الميلاد
أمل وطت وجابت العلبه والورقة
وقالت.. فى ورقه تانيه ومكتوب فيها كلام
وابتدت تقرأ الكلام بصوت عالى 
وحوريه بتسمع ___
 بنت عمى واختى حور خلى بالك من نفسك
اوى لحد ما ارجع انا سافرت فى شغل
بس سبتلك الأمان
شهاده ميلادك وعقد القصر وكمان المفاتيح
اى اتهام اتوجهه ليكى من أيوب واخته وولاد عمه
وريهم الورق اللى بيثبت انك صاحبه القصر
انا عاوزك تكونى واثقه من نفسك لأنك على حقوعموما معاكى أمل الممرضه
البنت دى كويسه جدا
انا عن نفسى بثق فيها
اى حاجه وقفت قصادك
هى هتحلها وهتكون جمبك وفى ضهرك
بس المهم مش عاوزك تخطى خطوه من غير ما تعرف
انتى قويه يا حور العين 
وهتكونى أقوى لما تاخدى حقك من أيوب وولاد عمه 
ابن عمك جلال _______
حوريه.. ايه ده هو سايب وصيه
أمل.. لا يا هانم
ده بيفهم حضرتك ايه اللى هيحصل
وعموما مټخافيش.. انا معاكى
حوريه.. مين أيوب واخته وولاد عمه
وايه صله القرابه اللى بينا 
علشان انا بجد مش فاهمه اى حاجه 
وبعدم تركيز.. انا حاسه ان اول مره اسمع 
ان أسمى حور العين 
الظاهر كده انى فعلا تعبانه 
وبجد عاوزه إجابات.. لو تعرفى حاجه 
يا أمل قوليلى لو سمحت
أمل پخوف.. انسه حور
انا كل اللى اعرفه ان حضرتك بعد ما رجعتى من
أمريكا كان عندك حاله اكتئاب وكنتى بتتعالجى
فى مصحه
حوريه بذهول.. انا كنت فى مصحه 
وكمان كنت فى أمريكا 
مسكت دماغها.. بس انا مش فاكره حاجه! 
أمل.. اكيد من الادويه اللى كنتى بتاخديها
بس انتى كنتى فين وبقيتى فين
الحمد لله
ده انتى كنتى نايمه طول الوقت وبتخرفى كمان
حوريه.. طيب ومين أيوب وولاد عمه واخته 
أمل.. كل اللى اعرفه ان جلال بيه قالى 
ان فى بينك وما بينهم مشاكل 
بس مقالش هى ايه 
وقال انهم فى مصيف وراجعين بكره 
ولازم بقى حضرتك تصلبى طولك كده 
علشان لما يرجعوا تقدرى تتكلمى معاهم 
حوريه بعصبيه.. اتكلم معاهم فى ايه! 
أمل.. مش جلال بيه كاتب فى الورقه 
لو حد فيهم كلمك تطلعى العقد وشهاده الميلاد
حوريه.. طيب وليه اثبت لهم ده 
امل.. والله ما اعرف غير اللى قولتوا
وقربت منها.. يا هانم بكره مش بعيد 
كلها سواد الليل ولما يرجعوا اكيد هتعرفى 
من كلامهم هما عاوزين ايه 
حوريه.. انا جعانه اوى 
ونفسى كمان اخد شاور 
أمل.. حاضر.. انا هنزل المطبخ واعملك احلى أكل
من عنيه الاتنين 
حوريه.. هو فين الحمام 
أمل.. فى الاوضه هنا وشاورت بإيدها عليه 
حوريه.. هو فى حد هنا غيرى انا وانتى 
أمل.. كان فى