روايه كامله

ال ٢٠٠ وكنتى عايزه تخليهم لنفسك. اهو حضرتى اكل زى الفل منغير م اديكى فلوس 
عدى ٥ سنين تانيين عالحال دا. طاقتى خلصت وملامحى بقت حزينه دايما وعجزت وانا لسا فأول التلاتينيات 
قررت بعدها انزل اشتغل بم ان العيال كبرو وبقول يقدرو يقعدو وحدهم بس اول حاجه قررت اعملها انى اتطلق من عماد. رفعت عليه قضيه طلاق وفعلا اتطلقت 
بدأت حياتنا تبقا احسن فأحسن. اجرت شقه وبقيت بشتغل اغلب اليوم عشان اجيب لعيالى الى نفسهم فيه. بقا كل تفكيرى انى اسعدهم 
كام شهر كانو كافيين ان حياتى تتغير ١٨٠ درجه للاحسن. مبقناش محتاجين حد وبقيت اجبلهم هدوم جديده ولعب كتير
فيوم واحنا قاعدين فجأه رن الجرس ومالك وفريده فتحو 
يا ماما فيه واحد غريب بيقول انه عايزك 
رحت اشوف مين عالباب 
مصطفى !!! 
فيوم واحنا قاعدين فجأه رن الجرس ومالك وفريده فتحو 
يا ماما فيه واحد غريب بيقول انه عايزك 
رحت اشوف مين عالباب 
مصطفى !!! 
ينفع تسمحيلى بس بدقيقتين من وقتك 
زى م سمحتلى بدقيقتين اوضح فيهم وادفع عن نفسى من عشر سنين صح 
اسمعينى بس يا ندى انا ندمان وحابب نرجع وهعوضك عن كل حاجه صدقينى 
هتعوضنى عن اى بالظبط ! عن شبابى الى ضاع ولا عن كميه الذل الى شفته
اوعدك مش هشك فيكى تانى. انتى كمان متكدبيش عليا ف اى حاجه او تخبى
وانا عشان خبيت عنك حاجه تقوم تعمل دا كله! للاسف تعبت نفسك وجيت فالبرد دا. روح ربنا ينتقم منك
قفلت الباب ودخلت اوضتى ونمت
اليوم الى بعدو
كنت نازله اودى العيال للمدرسه كالعاده بس فاجأنى مصطفى وهو جاى علينا 
خدى يا حبيبى اللعبه والفستان دا ليكى وانت يا مالك خد العربيه والمسډس دول 
فريده اخدت اللعبه والفستان اما مالك اخدهم منه ورماهم عالارض
مش باخد حاجه من ناس غريبه بعدين مامتى بتجبلى كل حاجه عايزها
متقول انت مين ! قولهم انك السبب فكل الى عيشناه لغايه النهارده. قولهم انك السبب ف ضياع طفولتهم بسبب انك صدقت اخوك ورفضك انك تصدقنى. لو سمحت ابعد عننا وسيبنا نعيش. لسا الامور بادئه تتظبط معانا من فتره قصيره ف ياريت تنسانا وتروح تتجوز واحده تانيه وتجيب عيال تكون متأكد انهم عيالك
اخدت العيال وسبته ومشيت 
بعد المدرسه 
دخلت المدرسه اجيب العيال بس اتفاجأت ان المدرسه فيها بلالين كتير لونهم احمر زى الى بحبهم. ظهر مصطفى فجأه ووقف على ركبته 
تقبلى تتجوزينى مره تانيه وننسى كل حاجه حصلت ونبدأ صفحه جديده انا وانتى
وفريده ومالك. احنا نستاهل فرصه تانيه يا ندى
بالقلم 
لا مش هقبل ابدا. لو كنت انت اخر راجل فالدنيا مش هقبل اعيش معاك يوم واحد. دا انت عقدتنى من الرجاله كلهم انت وعماد الزفت. تانى مره لو حبيت تعمل روميو او جتلى الشقه تانى انا هطلب الشرطه فااهم. هقولهم بېتهجم عليا انا وولادى وكدا كدا محدش يعرف انهم مش ولادك لانهم مش مكتوبين ب اسمك
اخدت العيال ومشيت وسبته وهو مصډوم ومش عارف يرد
تانى يوم 
النهارده كان الجمعه واجازه من المدرسه ف يدوب رحت الشغل ورجعت. على ١١ بالليل كدا كان الباب بيخبط جامد جدا لدرجه ان اټخضيت. فتحت وكان مصطفى الى بيخبط. كان باين عليه سکړان
ارجوكى سامحينى انا مستعد اعمل اى حاجه عشان بس تسامحينى. كل انسان بيغلط يا ندى وانتى كمان غلطتى على فكره لما خبيتى عنى. انا عايز اعيش مع اولادى ونكون
زى اى عيله طبيعيه. قوليلى بس اعمل اى وتسامحينى وانا اعمله 
الحاجه الوحيده ال تقدر تعملها هى انك تسبنا فحالنا وتروح تشوف حياتك. مفيش اى حاجه فالدنيا هتخلينى اسامحك وحتى لو انا سامحتك ف الاولاد مش هيسامحوك على كل يوم باتو فيه وهما جعانين ولا كل يوم وهما بردانين ولابسين هدوم متقطعه ومتغطيين ب لحاف متقطع ومتخيط من كل مكان. امشى يا مصطفى ومتجيش تانى 
قفلت الباب ورحت انام 
انا فعلا مش هسامحه ابدا. مصطفى دا يعتبر تانى غلطه فحياتى بعد ارتباطى بكريم وانا اصلا بقيت بقرف منه ومش بستحمل اشوف وشه قدامى 
عدى ست شهور مجاش فيهم تانى. قولت الحمدلله اهو عقل ونسينا. اى الجديد يعنى م هو مكنش فحياتنا من الاول عايز نكون اسره طبيعيه ازاى 
اتفاجأت بالباب بيخبط جامد جدااا 
افتحى احنا الشرطه والا هنكسر الباب
شرطه !!
معانا امر ب اخد الطفلين وتسليمهم لباباهم. اترفعت عليكى قضيه حضانه للاطفال من ٦ شهور ونظرا انك مجيتيش ولا جلسه رغم اننا كنا بنبعتلك انذارات كتير ف اتحكم بحضانه للطفال ل باباهم استاذ عماد كامل 
لحظه بس قضيه اى وجلسه اى وانذارات اى. محدش بعتلى اى حاجه بخصوص
قضيه
مكتوب عندنا هنا ان كل حاجه اتبعتت على بيت اهلك نظرا ان محل اقامتك فالبطاقه مكتوب هناك وكمان طليقك قال انك عايشه هناك بقالك سنه من سعت متطلقتو  
انا مرحتش بقالى ١١ سنه. وعايشه هنا من سعت م اتطلقت 
ملناش دعوه بالكلام دا. هما كمان لما كانو بيروحو كتير يبعتو انذارات سألو والدك وووالدتك وقالولهم انك عايشه معاهم وانك بتطنشى الانذارات دى بعدها قالو انك هربتى وجيتى للعنوان دا عشان منقدرش نلاقيكى وناخد الاولاد ف ياريت تسلميهم لينا بهدوء 
بعياط دا ظلم انا والله مكنت اعرف ان فيه قضيه اساسا. قولهم طيب يعيدو النظر فالموضوع. انا مليش غير اولادى وعايشه عشانهم. هتاخدوهم منى ليه !
سبق وقلتلك ان دى الاوامر ف ياريت تسلميهم بهدوء عشان مصلحتهم
دخلت ولبست فريده ومالك وانا بعيط 
احنا رايحين فين يا ماما
هتروحو لبابا شويه وهاجى اخدكم متقلقوش 
بس انا مش عايز بابا. دايما ومش بيخلينا ناكل. ماما ارجوكى متسبناش 
لازم تروحو. بصو اوعدكم هاجى اخدكم تانى. مش هسبكم عنده كتير. خلى بالك من اختك يا مالك 
سلمتهم للشرطه وكأنى بسلم روحى. بسلم الحاجه الوحيده الى طلعت بيها من الدنيا دى 
اول لما اخدوهم فضلت اعيط كتيير واصړخ واكسر فكل حاجه حواليا. مكنتش اتخيل ان هيجى يوم وياخدوهم منى زى م اخدو منى كل حاجه حلوه فحياتى 
لما اخدوهم كان نص الليل. استنيت الصبح بفارغ الصبر عشان اروح اخدهم او اتفاهم معاه حتى. دا مكنش بيطيقهم ولا بيرضى يصرف عليهم. ازاى فجأه اتحول وبقا عايز ياخد حضانتهم ويربيهم هو. انا عارفه ان عماد كلب فلوس واكيد مش كام شهر الى
غيروه وخلوه عايز يربى عيال مش عياله. لازم اروحله وافهم منه كل حاجه واتفاوض معاه. يمكن عمل كدا عشان عايزنى اديله فلوس او حاجه. وانا الى افتكرت انى خلصت
منه للابد لما اتطلقت منه 
الساعه ٨ الصبح
افتح يا عمااااد افتح يا واطى 
اى يا وليه صوتك جايب اخر الشارع. اى الى جايبك ولا حنيتى ليا 
احن ل اى يا واطى يا قذر. ازاى تاخد عيالى منى وانت عارف انهم روحى. انا عارفاك جلده ومش هتعرف تصرف عليهم. بتاخدهم ليه طالما مش عايز تصرف عليهم
مين قالك انى اخدتهم عشان اصرف عليهم. جوزك الاولانى جالى وقالى ارفع القضيه عشان اخد حضانتهم بعدها هو هياخدهم مقابل فيله ف التجمع الخامس وربع مليون دولار. اكيد طبعا مكنتش عيزانى ارفض الفرصه الى مش بتيجى غير مره فالعمر. انا صرفت عليكى وعلى ولادك كتير واستحملتكم كتير وجه الوقت ان اعوض شويه من
الى صرفته عليكم 
شويه يا كلب يا جلده. دا انت طول السنين دول مصرفتش علينا ١٠ تلاف على بعض. كنت وتنيمنا واحنا جعانين وتستخسر فينا الهدوم حتى. قولى كدا كام مره اديتنى فلوس وقلتلى روحى اشترى حاجه لنفسك وللاولاد ! مش فاكر صح ! طبعا لازم متفتكرتش اصلك عمرك معملت كدا
بقولك اى يا وليه. متصدعنيش. العيال مع ابوهم ومليش دعوه بالباقى. يلا لمى بعضك وامشى عشان عايز اجهز حاجتى وانقل للفيله الجديده واه لعلمك هو رفع قضيه عشان يغير نسب الولاد ليه وطبعا بموافقتى هيقدر يخلصها بسرعه
مشيت وسبته وقعدت افكري يا ترى ممكن يكون فين هو واولادى 
و قررت بعدها اروح للشقه الى اتجوزنا فيها من ١١ سنه
فتحت الباب واحده ست 
لو سمحتى مصطفى موجود
لا استاذ مصطفى باعلى الشقه دى من ساعتين وسافر 
سافر ! متعرفيش سافر فين 
لا والله 
تمام شكرا 
مشيت وانا مڼهاره من العياط ومش عارفه اروح فين ولا فين 
قعدت عالرصيف وانا بعيط 
معرفش عدى كام ساعه بس الى اعرفه انى قعدت عالرصيف لغايه الشمس م غربت 
شايفك بتعيطى بقالك كذا ساعه. خدى المنديل دا واهدى. كل حاجه ليها حل 
بصيت عليه واخدت المنديل
بعياط بس مشكلتى ملهاش حل 
سكت دقيقتين بعدها كملت 
ولا اقولك... هى ليها حل.. تقدر ترجعنى بالزمن ١١ سنه ورا وتمنع جوازى من مصطفى ! 
اټصدم ومعرفش يقول اى 
زى مقولتلك كل حاجه ليها حل. تقدرى تفضفضيلى وتحكيلى كل حاجه واوعدك انى اساعدك
قمت من مكانى 
بقولك اى. مش هتعرف تضحك عليا بكلمتين.. روح شوفلك بنت تانيه 
لا اهدى بس انتى فهمتى اى 
و طلعلى بطاقته 
انا الرائد سليم
قعدت مكانى 
انا.. انا اسفه بس انا مبقاش عندى ثقه فالناس. افتكرتك من الناس الى بتنتهز الفرص وخلاص
لا متقلقيش انا مش منهم
تعالى بس نشرب عصير وتحكيلى اى الى حاصل معاكى واشوفلك حل
اخدنى لاقرب كافيه وحكتله كل حاجه حصلت معايا 
ياه دا انتى استحملتى جامد. واحده غيرك كانت وقعت من بدرى.. اوعدك هلاقي اولادك وهرجعهم 
بفرحه بجد! مش بتقول كدا وخلاص صح 
ضحك لا مش بقول كدا وخلاص متقلقيش 
بمعرفتك ب باباهم تتوقعى سافر فين 
هو غنى جدا عنده شركات وبيوت كتير. اتوقع انه اكيد اخدهم برا مصر عشان محدش يقدر يوصلهم 
حتى لو فين بردو هجبهملك 
ابتسمت شكرا لحضرتك
اى دا وابتسامتك طلعت حلوه كمان. حد يشوفلى دكتور قلب 
ضحكت جامد وبقالى فتره طويله مضحكتش كدا
دا عنوانى. لو عرفت اى اخبار تعال قولى. انا مضطره امشى دلوقتى عشان الوقت اتأخر
تمام سلام
من ناحيه تانيه
فريده بصى انا باباكى الحقيقى. مامتك اخدتكم بعيد عنى وخبت عنى انها كانت حامل وبعدها 
اه يا حبيبتى. بصى دى اوضتك
واو يا بابا اى الاوضه الكبيره دى كلها. دا قد شقتنا كلها و اى كل الالعاب والفساتين دول. بتوع مين 
كل حاجه فالاوضه دى بتاعتك يا حبيبتى 
بجد يا بابى !