ظلم بلا حدود بقلم الكاتبه ريناد يوسف

الفلوس دى ممكن تخلى حسن
وعيلته يخلصو منى عشان ياخدو الفلوس
مس هناء لسه كنت هقولك كده
مريم بس انا معاييش حد واخاڤ يتنصب عليا
مس هناء مټخافيش
انا جوزى عنده معارف كتير وهخليه هو اللى يقوم بالمهمه دى
مريم بفرحه ربنا يخليكى ليا يارب يامس هناء وحضنتها وباستها
مريم بقولك صحيح انا افضل بالنقاب عشان على يفضل فاكرنى ولا اقلعه
مس هناء البسيه اول يوم واقلعيه قدامه عشان ميستغربكيش
مريم تمام طيب اقوله انى ام احمد ولا عليا
مس هناء لا بصى مش هينفع تقولى انك ام احمد لان سالى
لما سألت عليكى عرفت انك عندك ولاد وكبار كمان
واكيد على هيقول قدامها انك ام احمد وهتطقس عليكى
وتعرف اننا كذبنا عليها وتلف وتدور عشان تعرف السبب
انتى تيجى المدرسه على انك مس عليا المدرسه الجديده
وتقربى من على وتهتمى بيه وتخليه يحبك زى مابيحب
ام احمد واكتر
مريم تمام يامس هناء استاذن انا اروح الفندق
ياريت تخلى الاستاذ مسعود جوز حضرتك يستعجل لان الفندق
بياخد فلوس كتيير اوووى
مس هناء يابخيله دانتى مليونيره
مريم مليونيره أه بس دى فلوس علي ومش همد ايدى
عليها وابعزقها انا بعتبر الفلوس دى تعويض من ربنا على اللى حصلى وحصله فى الدنيا
مس هناء عين العقل ياحبيبتى ربنا يكرمك يارب ويبعتلك
ايام حلوه تعوضك 
بعد ٣ ايام مس هناء اتصلت بمريم وبلغتها ان جوزها
لقالها عماره ٤ ادوار فى منطقه كويسه الدور على شقتين
وسعرها يدوب الفلوس اللى مع مريم ومتأسسه كويس يعنى
ممكن تطلع بدورين او تلاته كمان وجوزها مستعد يجبلها التصاريح
مريم فرحت جدا وطلبت من مس هناء تخلى جوزها يخلص
فى الموضوع
وفعلا مريم بقت صاحبه عماره واجرت ٣ ادوار وخلت دور
فاضى ليها
الشقق كانت واسعه ٤ اوض وريسيبشن و٢ حمام ومطبخ
مفتوح على الصاله
مريم كانت طايره من الفرحه بس مفضلش معاها فلوس
تفرشها
مس هناء قالتلها انها هتاخد مقدم من المستاجرين وتقدر
تفرش منه الشقه براحتها
فتحت المدرسه ومريم راحت اول يوم ومس هناء قدمتها
على انها مس عليا مدرسه جديده فى الحضانه
المدرسين رحبو بعليا ترحيب حار
والمدرسات غارو من عليا غيره حاره 
مريم ابتدت تقرب من على اللى حزنت عليه اووى لما لقيته
خاسس وضعيف وابتدت تهتم بيه وبصحته وطبعا لما
مدرسه متفارقش تلميز وتهتم بيه دا فى حد نفسه بيجلب
ليه اهتمام التلاميذ واهتمام المدرسين على وجه الخصوص
واهو حجه يقربو بيها من عليا الجميله 
فى يوم عليا طلبت من على انه يطلب
من بباه انو يجى
المدرسه عايزه تتكلم معاه
على قال لبباه على طلب مس عليا وحسن استغرب اووى
وسالى اكيد عمل حاجه غلط انا بقولك انو شقى وانت
مش مصدقنى اتفضل بقا شوف المشاكل بتاعته
حسن راح وقابل عليا اللى اول متكلمت قلبه انقبض
هو سامع صوت مريم بس الشكل شكل تانى
عليا استاذ حسن كنت عاوزه اتكلم معاك بخصوص علي
حسن خير هو عمل حاجه غلط
عليا لا ابدا دا ظريف جدا ومؤدب وانا بحبه اووى اووى
زى مايكون ابنى برغم انى متجوزتش ومخلفتش
لكن لو خلفت اتمنى ابنى يكون زى على
حسن ابتسم ربنا يخليكى دا من زوق حضرتك طب امال
فين المشكله
عليا المشكله انى حاسه ان على علطول حزين ووحيد
برغم انى بحاول دايما انى اكون معاه الا انى حاسه انو وحيد ومكسور
استاذ حسن انا عرفت ان ولدته متوفيه مين بيهتم بيه فى البيت
حسن جدته ومرات عمه والاتنين مش محسسينه باليتم خالص مرات عمه بتعامله زى ولادها بالظبط
عليا بصت لحسن بصة غل انه بيثق فى الحربايه دى لسه
عليا برضو انت لازم تخصصله وقت يااستاذ حسن تقعد معاه فيه وتتكلمو اعرف مشاكله واتكلم معاه فى اى حاجه صدقنى دا هيفرق معاه اووى
حسن باذن الله هعمل كده يامس عليا انا متشكر جدا لاهتمامك
عليا بمسكنه صدقنى انا بحب على لدرجه انى لما بروح واسيبه بيوحشنى وببقا عاوزه اخده معايا وانا مروحه
وخصوصا انى عاييشه لوحدى ومقطوعه من شجره مفيش
بس الا مس هناء مديره المدرسه قريبتى من بعيد
وهى بس اللى بتسأل عليا وبعتبرها هى وعيلتها انها عيلتى
حسن ابتسم وسرح فى عيون عليا وملامحها الجميله
عليا استاذ حسن
حسن هاه
عليا كنت بقول لحضرتك خلى بالك من على اكتر من كده
حسن بيسلم عليها ومسك ايدها حاضر اوعدك هقرب منه
وفضل ماسك ايدها ومتنح لغايه مهى سحبت ايدها منه
واتكسفت وبصت للارض
حسن مشى مبتسم وصوره مس عليا مش عايزه تروح من خياله
عليا بتبص عليه وهو ماشى وهاين عليها تقطع ايدها اللى
سلمت عليه بيها
مس هناء راحت لها
ايه فيه ايه فى دماغك
مريم مش هقدر اقولك كل خير انما دماغى مفهاش غير كل
شړ لحسن وعيلته
مس هناء خاېفه عليكى اڼتقامك يدمرك يامريم
مريم لا متخفيش انا دلوقتى عارفه قواعد اللعب كويس اووى
حسن اخد علي ودخل اوضتهم وفضل يحكى معاه عن كل حاجه وخصوصا مس عليا
وانبسط جدا لما عرف هى اد ايه بتهتم بعلي وهو اد ايه بيحبها
حسن فضل يروح مدرسه علي كل يوم بحجه انه بيطمن عليه ويقابل عليا ويفضل يتكلم معاها
حكالها وسط الكلام عن ظروفه وانه عايش مع مامته واخوه
فى شقه وحده وفرح جدا لما لقى الموضوع ده عادى
عند عليا وميفرقش معاها
وبعد تفكير قرر حسن انه يفاتحها فى موضوع الجواز
وفعلا فاتحها
مريم طلبت منه انه يطلبها من مس هناء ويشوف رأيها
وان عليا مش ممانعه ابدا
حسن كان هيطير من الفرحه بموافقه عليا عليه وطلب من مامته ومرات اخوه انهم يروحو يخطبوها
وفعلا راحو وسالى اول ماشافت عليا تنحت من جمالها واول ماسمعت صوتها كان هيغمى عليها وعليا لاحظت ده وكانت مبسوطه جدا برد فعل سالى
بس الغريبه ان كريمه كانت هزلانه وضعيفه ومش بصحتها
زى الاول
مس هناء وعليا كانو بيكلموهم بألاطه اووى ومس هناء
بتبصلهم بأرف اكنهم مش من مستواهم
مس هناء بصو بقا احنا عروستنا عندها شقه تمليك وعندها
فلوس المرحوم ابوها سابهالها فى البنك وحلوه وصغيره
ابنكم بئا عنده ايه يقدمهولها
سالى بصت لكريمه بعد الكلام ده
سالى حسن كسيب مشاء الله ودراعه دهب واللى تؤمر بيه عروستنا الحلوه
كريمه فورا قلعت غويشتين تقال كانت لابساهم دول كنت واعده
حسن انى هديهم لعروسته اول مايخطب
وسالى قلعت خاتمين كانو فى اديها ودول كمان فوقيهم
اوعى تكسفينا ياعروسه
مس مريم انتو اټجننتو انتو عاوزين بنت ابن عمتى تلبس دهب قديم
عليا مفهاش حاجه ياطنط انا حبيتهم اوى وحساهم
هيعوضونى عن اليتم اللى عشت طول عمرى فيه
واقولك حاجه انا هأجر شقتى واسكن معاهم انا حبيتهم
اوووى
مس هناء لااااه دانتى اتجننتى رسمى عن اذنكم وسابتهم ودخلت
كريمه هى زعلت كده ليه احنا هنجبلك كل حاجه بس ظروف
حسن تتعدل
عليا قربت منها وباست دماغها ربنا يخليكى ليا ياماما
ومټخافيش هى قلبها ابيض ومش هترضى
تزعلنى
طمنو حسن وخلوه يجهز للفرح وانا هقنعها ولو مقتنعتش
انا كبيره واجوز نفسى محدش له عندى حاجه
سالى وكريمه
بصو لبعض وابتسمو
ابتسامه مريم عارفاها اوووى
وقامو استأذنو
مريم حطت رجل على رجل ومسكت الغوايش بايدها وقربتهم من وشها
دى البدايه ياكريمه انتى وسالى
ولسه اللى جاى احلى واحلى 
وللحكايه بقيه 
بقلم ريناد يوسف 
رواية ظلم بلا حدود
البارت الثالث عشر 13
مريم بصت للغوايش ولسه دى بس البدايه ياكريمه انتى وسالى
ولسه اللى جاى احلى واحلى 
خرجت مس هناء من الاوضه لما سمعت الباب اتقفل وحست انهم مشيو
مس هناء انا خاېفه عليكى اووى يامريم انتى داخله عش
الدبابير برجليكى
مريم عش الدبابير ده عايش فيه ابنى وعشان اعرف اخرجه
لازم ادخل هناك
مس هناء كنا شفنا حل غير انك تروحى هناك
مريم حل ايه اخطفه واعيش هربانه انا وهو بقيه حياتنا ولو البوليص لقانى يرجعهولهم تانى
انا لازم آخد على بطريقه قانونيه وقدام عيونهم
ثانيا انتى ناسيه انى لسه على ذمة حسن ازاى هقدر اواصل
حياتى من غير مااطلق منه
وثالثا من خلال على هقدر اوصل لابراهيم اللى ھموت واشوفه لكن مش راضيه عشان لما يشوفنى مرات حسن ميشكش فيا
ورابعا وده الاهم تارى اللى مش هسيبه ابدا الكاس اللى
شربت منه لازم يشربو منه هما الاتنين
مس هناء بقيتى بتهتمى بأدق التفاصيل يامريم وده فى
حد زاته مخوفنى عليكى خاېفه ڼار الاڼتقام تحرقك انتى كمان معاهم
مريم لا مټخافيش الاهتمام بالتفاصيل الصغيره اول قواعد
اللعب الۏسخ انا اتعلمت كويس جدا
فى بيت حسن حسن مستنى على ڼار اول مادخلت امه وسالى جرى عليهم
هاه ايه الاخبار
كريمه قربيتها الناظره دى مزرجنه شويه بس عروستنا
المحروسه طمنتنا انها هتلين دماغها
سالى اسكت ياولا ياحسن مش طلعت عندها شقه وفلوس
ومتريشه بيضالك فى القفص ياولا
حازم اهم من ده كلو هى حلوه
حسن هوهوهو هى سيره حلوه دى قمر ياخويا قممررر
حازم يعنى احلا من مريم 
حسن بمراحل مريم مين
كريمه بس مش عارفه ليه صوتها الخالق الناطق صوت مريم
الله يجحمها مطرح ماراحت
حازم سيبونا من سيره الزفته دى وخلونا فى العروسه الجديده
حسن شال علي ودخل بيه الاوضه
كريمه دخلت اوضتها هى كمان
حازم بص لسالى لقى عنيها بتطلع شرار
سالى اډبحك المرادى ياحازم فاهم
حازم اتلجلج فى الكلام دا دا دانا بهزر ياشيخه ايه كل حاجه
بتاخديها بجد هيهيهي
ودخل الاوضه بسرعه
على فرح جدا لما عرف ان بباه هيتجوز مس عليا
عدى اسبوع وعيله على بيحضرو لفرح كبير فى الحاره
وكريمه وسالى طلعو اللى تحت البلاطه وادوه لحسن كله
وجاب فستان واوضه نوم جديده لعليا
مريم بتحضر نفسها للفرح نزلت جابت ميكروويف وشويه
اجهزه حديثه كده للمطبخ
اتعمل الفرح فى وجود عيله مس هناء اللى عاملين انهم
عيله عليا وعيله على واهل الحاره
اللى انبهرو بجمال عروسة حسن الجميله واخوه حازم
يابن المحظوظه ياحسن كل وحده احلى من اختها بتلاقيهم
فين دول دى دعوه فساعة رضى دى ولا ايه
حازم كان هياكل عليا بعنيه وهى ولا بتبصله وبتدلع على حسن
لمحت من بعيد شخص خلى قلبها كان هينط من مكانه
لمحت اخوها ابراهيم واقف بعيد وبيبص وباين عليه القهر
مريم كان هاين عليها تسيب الفرح وتروح تنط فى حضنه
وتقوله انها مريم وانها لسه عايشه وانه ميزعلش
بس مسكت نفسها ودارت دموعها وشوقها ليه
خلص الفرح ومريم روحت البيت مع حسن وقضو ليله العمر
لتانى مره وكان سهل عليها انها تخدع حسن وتخليه يصدق انها بنت
حسن كان هيتجنن من شكل جسم عليا اللى شبه جسم مريم
اووى حتى فيه شامه فى نفس المكان
وتخيل انها صدفه وعداها
نايمين والصبح بدرى الساعه ٦ الباب خبط خبط جامد
مريم ابتسمت وافتكرت الخبطه دى
مريم مرضيتش ترد بسرعه ولا تخلى حسن يرد وشغلته
فحاجه تانيه وسابو سالى تخبط لما تعبت وأديها وجعتها
ويمكن صحت الجيران
بعد الخبط مابطل بشويه عليا خرجت
عليا مين اللى كان بيخبط الصبح بدرى كده مين قليل الزوق ده!!
ارتبكو كلهم من كلام عليا
سالى بتردد دا دا انا ياحبيبتى بصحيكم عشان تفطرو صاحيه من الفجر اعملكم الاكل لما
عليا قبل متخلص كلامها
مين طلب منك تعمليلنا اكل انا وجوزى لما نعوز ناكل هقوم
واحضر الفطار بنفسى دا بيتى ولا ايه
سالى اأأأه ياختى بيتك امال ايه بيتك حقك عليا لو كنت
ازعجتك
عليا لا عادى بس ياريت متكرريهاش