چرح الاحبه لفاطيما يوسف حصري لمدونه ايام

في النادي فمسكت فيديو وبتوريه لمريم بتقول لها
_ الله هو مش المز القمر ده يبقي يزيد طليقك يامريم 
__ أه هو يزيد 
مالك منبهرة أوي كدة هو حلي دلوقتي مش ده إللي كنتي بتقولي لي عليه مشحم ومزيت ومش لايق عليكي خالص يا روما 
ردت عليها وهي بتبص للفيديو وعلامات الانبهار لسه على وشها
_ بس انا لما كنت بشوفه دايما يا اما تحت عربيه يا اما واقف وعلى وشه علامات الشحم وبيبقى شكله متبهدل خالص بس ما كنتش اعرف انه شيك قوي كده ووسيم قوي كده.
غلت من جواها وبقت مش على بعضها من كلام صاحبتها اللي قاعده قدامها واللي هي كانت السبب الرئيسي في انها تنفصل عنه من كتر كلامها

وغلت اكتر بسبب انها عماله تتغزل فيه وهاجمتها
_لا يا حبيبتي هو شكله كده من زمان وبيلبس كده من زمان بس وقت الشغل بس هو اللي بيكون متبهدل ولو سمحتي تقفلي الفيديو وتفكينا من الحوار ده دلوقتي علشان انا بدات اتخنق .
وقفلوا على الحوار وهي بتاكل في نفسها اكل وعدى اليوم ده
وقعدت مع نفسها في اوضتها ولقت دموعها نازله على وشها وهي بتكلم نفسها
_مالك متضايقه وبتعيطي ليه مش ده اللي انت هنتيه في كرامته بدل المره مية!
مش ده اللي كان بيجيب لك لبن العصفور عشان ترضي عنه!
وفي الاخر انتي اللي طلبتي ولا بقيتي مرتاحه ولا بقيتي عارفه تعيشي 
وخلاص فاضل ايام بسيطه في العده وهتخسريه للأبد وهو ما سألش فيك من ساعه الطلاق.
دخلت والدتها عليها لقيت دموعها نازله ومغرقة وشها 
فقالت لها بنصح
_مش عيب إن البني ادم يغلط ويعترف بغلطه
يا مريم روحي له واطلبي منه إنه يسامحك ولمي بيتك وبناتك في حضنك وسيبك من طبعك الجامد القاسې معاه علشان يا بنتي مش هتلاقي زيه تاني 
وخلي بالك لو ايام العده انتهت وما رحتلهوش هتخسريه للابد وساعتها نظره عيونك اللي بتبقى عامله زي جمر الڼار لما بتشوفيه واقف مع واحده مش هتستحملي وهتتقلب لڼار هتقيد في جسمك كله ومش هتخلي فيكي حتة سليمة .
فضلت تقول لها كلام خليتها ما بقتش على بعضها من كلامها لحد ما قالت لها بانتفاضة 
_ واحدة تانية إيه ياماما!
معقوله يزيد ممكن يحب ويتجوز واحدة تانيه غيري !
لاااا عمره مايعملها .
زادت والدتها من كلامها إللي بتقول لها وإللي بقي عامل زي البنزين اللي بيتحط علي الڼار بتولعها أكتر 
_ وليه لأ ياحبيبتي راجل ملو هدومه وقمر ويملي قلب وعين أحسنها برنسيسه 
طيب أقول لك علي حاجه كمان
صاحبتك إللي بتاكل معاكي عيش وملح بشوفها بتجي له كل يوم بحجة عربيتها البايظة وبتبقي واقفة معاه وهو بشحمه وعينيها هتتقلع عليه 
هبت من مكانها واقفه وهي بتشد حجابها وبتقول لمامتها باستنكار
_ إيه الكلام الفارغ ده انا مبشفهاش هنا ومبتقوليش إنها بتيجي هنا خالص ليزيد .
رفعت مامتها حاجبها وجاوبتها بتأكيد وهي بتوريها شاشة الموبايل ومصوراها في مرة من المرات فيديو 
_ ماهي مش هتقولك ياحبيبتي انها عينيها من جوزك وأبو بناتك وإنها راسمة عليه وهتخطفه منك 
دي بتختار الساعتين