اسكريبت كامل
غير أخوها ال كان بيعمل كل حاجة عشان يكفى مصاريفها ....شىء منطقى جدا إنى أكون مفتقداه
هو مين
بصتله الحب
الحب
ايوا أنا محدش اهتم بيا ولا حبنى غير محمد ومحمد أصلا وقته مكانش كفاية إنه يهتم بيا ويسمع مشاكلى ...محدش كان مهتم ..
من فترة الطفولة لفترة المراهقة وأنا كنت لوحدى لحد ما ظهر
ابن صاحبة ماما ...كان بييجى عندنا كتير ...إنسان حنين وبيهتم بتفاصيلى وانا كنت مفتقدة ده
حبيتيه
كنت موهومة...أنا فى الأول كنت بعتبره أخويا لغاية ما اعترفلى وطلب ايدى...
بصلى بنظرة غريبة مافهمتش معناها بس كملت كلام .
محمد مكانش موافق بس أنا أصريت عليه واتخطبنا
كنتى بتحبيه يا نسيب
كنت فاكرة كده
كملى
كان بيستغلنى ويستغل هبلى...كان عايزها تغير عليه ف خطبنى ولما عرفت فضل يهددنى إنه هيسيبنى ويمشى
اتنهدت كان عارف إنى محتاجاه وبرضو داس عليا
وسكتى
دمعتى غلبتنى ونزلت ڠصب عني...نزلت بكل ۏجع وحړقة السنين ال فاتت ..بصيت للأرض عشان مايخدش باله وكملت كلام
وبعد كده
سابك
رفعت راسى وكانت الدموع خلاص ڠرقت وشى ..
سابنى وأنا مجرد أطلال ..سابنى إنسانة كارهة كل الرجالة ...بس برضو كان لازم أشكره لأنى من غيره ماكونتش هفهم
تفهمى ايه
مسحت دموعى وانا بتكلم
إن الحب اختراع فاشل وان الرجالة كلهم زى بعض وانى ماينفعش أرتبط تانى
لسة عايز تكمل
عايز أكون جنبك على طول
مابقاش ينفع
لا ينفع وهتشوفى
ممكن تروحنى
ماشى يا نسيب ماشى..
عدا كام يوم وهو ما بيبطلش يبعت رسائل ...كل مرة كنت بشوف رسالته كنت ببتسم وافرح بس ارجع افتكر انى ماينفعش أكرر نفس الغلط مرتين ..
كنت قاعدة فى يوم ولقيته بعتلى رسالة
أنا ماقولتش لمحمد
أنا قولتله يلا بسرعة
حاضر نازلة اهو..
السلام عليكم
ابتسم وعليكم السلام ورحمة الله وبركاته
ازيك
وحشتينى
احم طب تمام هنروح فين بقا
مفاجأة
يا جدع !
ضحك اه والله
طب يلا بينا
ركبنا العربية ومشينا وانا سندت عالشباك وسرحت ...وفى وسط سرحانى خدت بالى من إنه مشغل أغنية سيرة الحب لام كلثوم فضلت سرحانة مع الأغنية لغاية ما سمعت الجزء ال بيفكرنى بكل حاجة مش عايزة افتكرها ...
وقولتوا وعدتوا عليييييه.......
قولتوا عليه مش عارف ايييه...!
العيب فيكم يا فى حبايبكم ....
أما الحب يا روحى عليييه
يعنى ايه الكلام ده
يعنى ايه العيب فيكم يا فى حبايبكم!
غلبانة أوى يا ست أم كلثوم ماكونتيش تعرفى إن العيب فى الحب ...
معقول يكون العيب مش فيه
طب لو العيب مش فى الحب هيكون فيا يعنى ولا ايه
بصيت عليه وهو مركز فى السواقة وخدت بالى من ملامحه ...
شكله لطيف وهادى..شكله جميل ...
أغنية من كلمة واحدة...فيها نغمة من غير مزيكا
افتكرت الجملة بتاعته وانا برضو مش فاهمة حاجة ..
يا ترى حكايتك ايه انت كمان يا ابو ألغاز !
بصلى عاجبك
هو ايه
أنا عاجبك ...أصلك سرحانة فيا
سرحانة بس مش فيك
اومال ف ايه
العيب فيكم يا فى حبايبكم اما الحب يا روحى عليه
معاها حق
مش معاها حق
أوعدك ان النهاردة هتروحى وانتى مقتنعة إن معاها حق
ماشى
وقف العربية فى شارع أول مره أشوفه ...
خرجنا احنا الاتنين وبعديها مسك ايدى وخدنى واستخبينا أنا وهو فى حتة وسط الشجر
اتكلمت بتوتر احنا هنا ليه
خاېفة منى
كان قريب أوى منى وده ال خلانى مش عارفة أرد
بقولك خاېفة منى
لا لا مش خاېفة
ابتسم طب بصى هناك كده
هناك فين مش شايفة حاجة
البلاكونة ال فى الدور الارضي دى
ال فيها الراجل العجوز
ايوا هى ركزى بقا
اركز فى ايه
خليكى باصة وهتعرفى دلوقتي
ماشى
فضلت باصة على البلاكونة ال فيها الراجل العجوز ال كان
باصص للقمر وسرحان وهو
